టాలీవుడ్ కాస్టింగ్ కౌచ్ వివాదంలో పలువురికి సంబంధించిన ఫోటోలు, వాట్సాప్ చాట్టింగులు బయట పెట్టి సంచలనం సృష్టించింది నటి శ్రీరెడ్డి. తొలుత కాస్టింగ్ కౌచ్ అంశంపై టాలీవుడ్ లో పోరాటం చేసింది కానీ పవన్ కళ్యాణ్ వివాదంతో అది సర్దుమణిగింది. ప్రస్తుతం చెన్నైలో కాస్టింగ్ కౌచ్ అంశంపై పోరాటం చేస్తూ అక్కడే సినిమా అవకాశాల కోసం ఎదురు చూస్తుంది శ్రీరెడ్డి.
తాజాగా శ్రీరెడ్డి వివాదంపై స్పందించారు హీరోయిన్ కమ్ సింగర్ ఆండ్రియా జరేమియా. నాకు ఇలాంటి అనుభవం ఎదురు అవలేదు. ఒకవేళ శ్రీరెడ్డి చెప్పేది నిజమే అయితే అవి బయట పెట్టడానికి చాల ధైర్యం కావాలి. ఇలాంటి చేదు అనుభవాలు ఎదురైన వ్యక్తులు బయటకి వచ్చి తమకు జరిగిన అన్యాయం గురించి వెల్లడించడం కరెక్ట్. అంతేకాదు తప్పు చేసిన వ్యక్తులకు సరైన శిక్ష పాడాలంటూ ఆశాభావం వ్యక్తం చేసారు.
ఆండ్రియా లేడి ఓరియెంటెడ్ ఫిలిమ్స్ లో ఎక్కువగా నటించింది. కమల్ హాసన్ విశ్వరూపం ౨ లో ఒక కీలక పాత్ర పోషించింది. ఇందులో తన నటన చూసి అభిమానులే కాదు విమర్శకులు సైతం మెచ్చుకున్నారు.
ప్రస్తుతం తమిళనాడులో ఉన్న శ్రీరెడ్డి అక్కడ కూడా కాస్టింగ్ కౌచ్ వివాదంపై పోరాటానికి దిగింది. ఈ నేపథ్యంలో టాలీవుడ్ కాస్టింగ్ కౌచ్ వివాదంపై సీబీఐ, ఆంధ్రా, తెలంగాణ డీజీపీలకు నోటీసులు జరీ చేసింది హైకోర్టు.
నటి శ్రీరెడ్డి తరపున కాస్టిగ్ కౌచ్ వివాదంపై గోపాలకృష్ణ కళానిధి పిటిషన్ వేశారు. ఈ పిటిషన్ స్వీకరించిన న్యాయస్థానం తెలంగాణ, ఆంధ్రా డీజీపీలతో పాటు సీబీఐకి వివరణ ఇవ్వాలని నోటీసులు పంపింది. శ్రీరెడ్డి చాలాసార్లు నేను పోలీసులకు కంప్లైంట్ ఇచ్చినా పట్టించుకోవట్లేదని ఆరోపణలు చేసింది. దీంతో శ్రీరెడ్డి పోరాటానికి కొంతమేర బలం వచ్చిందనే చెప్పాలి.