నటీనటులు: సౌమిత్ రావు, శ్రేయాసి సేన్, హర్ష చెముడు (వైవా హర్ష), సుప్రియా ఐసోలా, జీవన్ కుమార్ తదితరులుదర్శకత్వం: సౌమిత్ పోలాడి, సాయి కే వెన్నంనిర్మాణ సంస్థ: POV ఆర్ట్స్ ప్రొడక్షన్స్సంగీతం: కళ్యాణ్ నాయక్విడుదల తేదీ: ఫిబ్రవరి 13, 2026
కథ:
అర్జున్ (సౌమిత్ రావు) ఒక అనాథ. ఒక యాడ్ ఏజెన్సీలో అసిస్టెంట్ సినిమాటోగ్రాఫర్గా పనిచేస్తూ, ఒంటరితనంతో బాధపడుతుంటాడు. తోడు కోసం పరితపించే అర్జున్, జీవితంపై విరక్తి చెంది ఆత్మహత్యకు ప్రయత్నిస్తాడు. సరిగ్గా అదే సమయంలో ఎదురు అపార్ట్మెంట్లో ఉండే అతిథి (శ్రేయాసి సేన్) పరిచయమవుతుంది. ఆమె రాకతో అర్జున్ జీవితం మారుతుంది. ఇద్దరూ శారీరకంగా దగ్గరైనప్పటికీ, అతిథి అర్జున్ ప్రేమను అంగీకరించదు. అసలు అతిథి గతం ఏంటి? అర్జున్ కన్న కలలు నెరవేరాయా? శాంతను ఎవరు? అనే ప్రశ్నలకు సమాధానమే ఈ సినిమా.
విశ్లేషణ:
సినిమా ప్రారంభమే హీరో ఆత్మహత్యాయత్నం సీన్తో చాలా ఆసక్తికరంగా మొదలవుతుంది. ఒంటరితనం మనిషిని ఏ స్థాయికి తీసుకెళ్తుందో దర్శకులు చాలా సహజంగా చూపించారు. హీరోయిన్ ఎంట్రీ తర్వాత కథనం రొమాంటిక్ మోడ్లోకి మారుతుంది. హీరో, హీరోయిన్ల మధ్య కెమిస్ట్రీ, వారి పరిచయ సన్నివేశాలు యూత్ని ఆకట్టుకుంటాయి. ఇంటర్వెల్ సమయానికి అతిథి పాత్రలో ఏదో బలమైన కారణం ఉందనే క్యూరియాసిటీని పెంచడంలో దర్శకులు సఫలమయ్యారు.
రెండో భాగం పూర్తిగా ఎమోషనల్ డ్రామాగా సాగుతుంది. అతిథి ఫ్లాష్బ్యాక్ స్టోరీ సినిమాకు ఆత్మ వంటిది. అది ప్రేక్షకుడిని గుండెను బరువెక్కిస్తుంది. అయితే, సెకండాఫ్లో కొన్ని సన్నివేశాలు కాస్త సాగదీసినట్లు అనిపించినప్పటికీ, క్లైమాక్స్ మాత్రం ఆకట్టుకుంటుంది. ‘అర్జున్ రెడ్డి’తో పోలికలు వచ్చినా, ఈ సినిమాకు ఒక ప్రత్యేకమైన శైలి ఉంది.
నటీనటుల పనితీరు:
సౌమిత్ రావు: కొత్తవాడైనా అర్జున్ పాత్రలో ఒదిగిపోయాడు. ఎమోషనల్ సీన్స్లో, డ్యాన్స్లలో మంచి ప్రతిభ కనబరిచాడు. స్క్రీన్ ప్రెజెన్స్ బాలీవుడ్ హీరో తరహాలో ఉంది.
శ్రేయాసి సేన్: అతిథి పాత్రలో సహజమైన నటనతో ఆకట్టుకుంది. కథ అంతా ఆమె చుట్టూనే తిరగడం వల్ల తన పాత్రకు పూర్తి న్యాయం చేసింది.
హర్ష చెముడు: తనదైన కామెడీతో కొన్ని చోట్ల నవ్వించాడు.
సాంకేతిక విభాగం:
సంగీతం: కళ్యాణ్ నాయక్ అందించిన సంగీతం, నేపథ్య సంగీతం సినిమాకు అతిపెద్ద ప్లస్ పాయింట్.
సినిమాటోగ్రఫీ: దిలీప్ కే కుమార్ విజువల్స్ చాలా రిచ్గా ఉన్నాయి.
దర్శకత్వం: కొత్తవారైనా సౌమిత్, సాయి వెన్నం ఒక డిఫరెంట్ లవ్ స్టోరీని ఎమోషనల్గా ప్రెజెంట్ చేయడంలో విజయం సాధించారు.
ప్లస్ పాయింట్స్:
హీరో, హీరోయిన్ల నటన
సంగీతం మరియు నేపథ్య సంగీతం
ఎమోషనల్ క్లైమాక్స్
సహజంగా సాగే రొమాంటిక్ సీన్స్
మైనస్ పాయింట్స్:
సెకండాఫ్లో కొన్ని సాగదీత సన్నివేశాలు
కథలో అక్కడక్కడా నెమ్మదించిన వేగం
ఎటువంటి అంచనాలు లేకుండా థియేటర్కు వెళ్లే ప్రేక్షకులకు ‘నిలవే’ ఒక మంచి అనుభూతిని ఇస్తుంది. కొత్తవారితో తీసినా, ఒక పరిణతి చెందిన ప్రేమకథను చూడాలనుకునే వారు తప్పకుండా చూడవచ్చు.
రేటింగ్: 3/5