ఎదుటివారికి కడుపునిండా పెట్టి, వాళ్లు తిని తృప్తిపడటం చూసి ఆనందించే లక్షణం ప్రభాస్ సొంతం. ఈ విషయాన్ని ఆయనతో పనిచేసిన నాయికలందరూ చెప్తారు. తమన్నా అయితే తను బరువు పెరగడానికి కారణం ప్రభాసే అని, అతను తనకు బెస్ట్ ఫ్రెండ్ అని ఎన్నో సార్లు చెప్పేశారు. ఇప్పుడు ఆ ఛాన్స్ నార్త్ బ్యూటీ శ్రద్ధా కపూర్కి వచ్చింది. తాజాగా ఆమె ప్రభాస్తో కలిసి `సాహో`లో నటిస్తోంది. ఈ సినిమాలో శ్రద్ధా యాక్షన్ సీక్వెన్స్ కూడా చేస్తోంది. అందుకోసం ఫిట్గా ఉండాలని తెగ జిమ్ చేస్తోంది. హైదరాబాద్లో ఉన్నా, ముంబైలో ఉన్నా.. జిమ్ మాత్రం మానడం లేదు శ్రద్ధా. కొన్నిసార్లు హైదరాబాద్లో జిమ్కి ప్రభాస్ కూడా వెంట వెళ్తున్నారట. అయితే ప్రభాస్ సినిమా కోసం చేస్తున్న ఫిట్నెస్ని మరో రకంగానూ వాడుతోంది శ్రద్ధా.
ఆమె నటిస్తోన్న మరో సినిమా సైనా నెహ్వాల్ బయోపిక్. ఈ బయోపిక్ కోసం ఆమె మరింత ఫిట్గా ఉండాలి. రెండు సినిమాలూ ఒకేసారి అటూ ఇటూగా జరుగుతుండటంతో ఈ బ్యూటీకి బాగా కలిసొస్తోందట. ప్రభాస్ కోసం చేస్తున్న ఫిట్నెస్ ప్రోగ్రామ్లు ఆమెకు సైనా సినిమాకు చాలా ఉపయోగపడుతున్నాయట. సినిమా పరంగా కలిసొచ్చినా… ఇదీ ఒక రకంగా ప్రభాస్ని వాడుకుంటున్నట్టేగా.. అని సన్నిహితులు ఆమెను ఆటపట్టిస్తున్నట్టు సమాచారం.