*మాటల మాంత్రికుడు త్రివిక్రమ్ దర్శకత్వంలో యంగ్ టైగర్ ఎన్టీఆర్ హీరోగా తెరకెక్కుతున్న చిత్రం ‘అరవింద సమేత’. ‘వీర రాఘవ’ అనేది ట్యాగ్లైన్. ఈ చిత్రం ప్రీ రిలీజ్ ఈవెంట్ రీసెంట్ గా చాలా గ్రాండ్ గా జరిగింది. ఈ ఈవెంట్ ను భారీ ఎత్తున నిర్వాహకులు హైటెక్స్ లోని నోవాటెల్ హోటల్ లో నిర్వహించారు. ముఖ్య అతిథిదులు ఎవరు లేకపోయినప్పటికీ అరవింద సమేత బాధ్యతలను ఎన్టీఆర్, త్రివిక్రమ్ శ్రీనివాస్ లే భుజాన వేసుకొని లాగేసారు. అయితే ఈ ప్రీ రిలీజ్ ఈవెంట్ లో హీరోయిన్ పూజ హెడ్గే లేకపోవటం ఓ పెద్ద లోటుగా కనిపించింది.*
*సాధారణంగా పెద్ద సినిమాల ప్రమోషన్ యాక్టివిటీస్ కు హీరోయిన్స్ డుమ్మా కుట్టేసే అంత ధైర్యం చేయరు. కానీ పూజ చేసింది. అంతేకాదు ఆమె ఏ ఛానెల్ కు కానీ, పేపరు కానీ ఇంటర్వూలు కూడా ఈ సినిమా నిమిత్తం ఇవ్వటం లేదు. దాంతో ఇండస్ట్రీ వర్గాల్లో ఇదో హాట్ టాపిక్ అయ్యిపోయింది. టీమ్ కు, పూజ కు మధ్య ఏమన్నా పొరపొచ్చాలు వచ్చాయా..లేక రెమ్యునేషన్ ఏమన్నా ఆమె ప్రమోషన్ ఏక్టివిటీస్ కు డిమాండ్ చేసిందా వంటి అనుమానాలు వచ్చాయి. ఈ విషయమై కొన్ని కథనాలు కూడా మీడియాలో ప్రచారంలోకి వచ్చాయి. అయితే అసలు ఏం జరిగింది.*
*నిజానికి పూజ హేడ్గేకు ఈ చిత్రం టీమ్ కు మధ్య మంచి రాపో ఉంది. ఎన్టీఅర్ ,త్రివిక్రమ్ తో ఆమె గౌరవంతో ఉంది. అయితే ఆమెకు ఆల్రెడీ బాలీవుడ్ లో కమిటైన హౌస్ ఫుల్ 4 చిత్రం షూటింగ్ ఉంది. దాని నిమిత్తం ఆమె అక్కడికి ఫారిన్ లొకేషన్స్ కు వెళ్లిపోయింది. ఆ షూటింగ్ పూర్తైన వెంటనే ప్రభాస్ చిత్రం షూటింగ్ ఉంది. దాంతో ఆమెకు క్షణం ఖాళీలేని పరిస్దితి. ఈ నేపధ్యంలో తాను ప్రమోషన్ ఏక్టివిటీస్ రావటం కష్టమని డేట్స్ ఇచ్చేటప్పుడే త్రివిక్రమ్ కు, ఎన్టీఅర్ ఖచ్చితంగా చెప్పిందిట. దాంతో వాళ్లు ఇప్పుడు ఏమీ అడగలేని పరిస్దితి. ఆమె సిట్యువేషన్ అర్దం చేసుకుని బై చెప్పారట. అదీ సంగతి. *
*ఇక ఈ చిత్రానికి తమన్ సంగీతం సమకూర్చుతున్నాడు. హారికా అండ్ హాసిని క్రియేషన్స్ బ్యానర్పై రూపొందుతున్న ఈ చిత్రంలో పూజా హెగ్డే, ఈషారెబ్బా హీరోయిన్లుగా నటిస్తున్నారు. దసరా కానుకగా భారీ అంచనాల నడుమ అక్టోబర్ 11న ఈ చిత్రం ప్రేక్షకుల ముందుకు రానుంది. *