ఎన్టీఆర్, పూజ హెగ్డే జంటగా త్రివిక్రమ్ శ్రీనివాస్ దర్శకత్వంలో రూపొందిన” అరవింద సమేత వీర రాఘవ “సినిమా సెన్సార్ రిపోర్ట్ విన్నతరువాత నిర్మాత దర్హకులు ఆనందంతో పండుగ చేసుకుంటున్నారు . ఈ సినిమాకు సెన్సార్ వారు ఒకే కట్ తో యు /ఏ సర్టిఫికెట్ ఇచ్చారు . ఎన్టీఆర్ ,త్రివిక్రమ్ కాబినేషనలో తయారైన అత్యంత భారీ బడ్జెట్ చిత్రం .
రాయల సీమ ఫ్యాక్షన్ మీద గతంలో ఎన్నో సినిమాలు వచ్చాయి .అయితే అరవింద సమేత వీర రాఘవ చిత్రం అందులో ఒకటి కాదు . ఫ్యాక్షన్ వదిలిపెట్టి ప్రశాంతంగా బ్రతుకుదాం అనే సందేశం ఇచ్చే మంచి సినిమా ఈ చిత్రంలో ఎన్టీఆర్ నట విశ్వ రూపం చూపించాడు . ఎన్టీఆర్ వీర రాఘవరెడ్డి పాత్రలో ఒదిగిపోయాడని చెప్పవచ్చు . ఎన్టీఆర్ నటనలో ఎంతో మెచూరిటీ కనిపించింది . గత చిత్రాలతో పోల్చితే ఈ చిత్రం అతను గర్వంగా చెప్పుకొనే సినిమా అవుతుందని చెప్పవచ్చు .
సినిమా ప్రారంభం నుంచి చివరివరకూ ఎన్టీఆర్ ఒకే టెంపో మెయిన్ టైన్ చేయడం విశేషం . ఎన్టీఆర్ పాత్రను త్రివిక్రమ్ అద్భుతంగా తీర్చిదిద్దాడు. రాయలసీమా మాటల మాధుర్యం ఎలావుంటుందో త్రివిక్రమ్ చూపించాడు . త్రివిక్రమ్ , ఎన్టీఆర్ కాబినేషన్ ఎంత సెన్సేషన్ సృష్టిస్తుందో ఈ చిత్రం విడుదల తరువాత తెలుస్తుంది . రాయల సీమ భాష తో అరవింద సమేత ..వీర రాఘవ సినిమా ప్రేక్షకులను ఆశ్చర్య పరుస్తుంది . సీమ ఆచార వ్యవహారాలు, పల్లె పాటలు సినిమాను ఆసక్తిగా రూపొందించాడానికి ఉపయోగపడ్డాయి . జగపతి బాబు బసిరెడ్డి పాత్రలో జీవించాడు . అంతఃపురం , గాయం చిత్రాల తరువాత అంత కన్నా పవర్ పాత్రలో ఆయన నటన తారాస్థాయికి చేరిందని చెప్పవచ్చు .
జగపతి బాబులో ఓ మహా నటుడున్నాడని ఈ పాత్ర చూసిన తరువాత ఎవరైనా ఒప్పుకుంటారు. ఇక సంగీత దర్శకుడు తమన్ ఈ చిత్రానికి అందించిన పాటలు ఒక ఎత్తు అయితే నేపధ్య సంగీతం మరో ఎత్తు . ప్రేక్షకుడు కథలో లీనం కావడానికి సంగీతం దోహదం చేస్తుంది . పి .ఎస్ వినోద్ ఛాయాగ్రహణం చిత్ర కథకు ప్రాణం పోసిందని చెప్పవచ్చు . సినిమాకు సామాజిక స్పృహ , ప్రయోజనం ఉండాలని అంటారు . త్రివిక్రమ్ ఈ సినిమాలో అదే చేశాడు . హారిక , హాసిని పతాకంపై రాధాకృష్ణ ఈ చిత్రాన్ని నిర్మించాడు .
