పవన్ భారీ సినిమాకి పోటీగా నాని భారీ సినిమా “దసరా” విడుదల.!

టాలీవుడ్ లో పవర్ స్టార్ పవన్ కళ్యాణ్ మరియు నాచురల్ స్టార్ నానికి ఇప్పుడు అభిమానులు ఎక్కువ అవుతున్నారని చెప్పాలి. ఇద్దరి హీరోలు కూడా పలు విషయాల్లో అభిప్రాయాలు కలవడం నాని తెలుగు సినిమా సమస్యలపై బలంగా నిలబడడంతో పవన్ కళ్యాణ్ కూడా తన సపోర్ట్ ని బాగా అందించాడు.

అంతే కాకుండా లేటెస్ట్ గా అయితే నాని నటించిన “అంటే సుందరానికి” ప్రీ రిలీజ్ ఈవెంట్ కి కూడా పవన్ హాజరు కావడం జరిగింది. మరి ఇలాంటి ఈ ఇద్దరు మధ్య ఇప్పుడు సినిమా పరంగా యుద్ధం జరిగే సూచనలు కనిపిస్తున్నాయి.

ఇప్పుడు ఈ ఇద్దరు స్టార్స్ కూడా రెండు భారీ పాన్ ఇండియా సినిమాలు అందులోని ఇద్దరు కెరీర్ లో ఫస్ట్ పాన్ ఇండియా సినిమాలు చేస్తున్నారు. మరి వాటిలో పవన్ “హరిహర వీరమల్లు” చేస్తుండగా నాని “దసరా” అనే మాస్ డ్రామా చేస్తున్నాడు.

అయితే ఇప్పుడు తాజాగా నాని నటిస్తున్న ఈ సినిమా రిలీజ్ డేట్ ని చిత్ర బృందం అయితే ఇప్పుడు అనౌన్స్ చేసి షాకిచ్చారు. ఈ చిత్రాన్ని 2023లో మార్చ్ 30న భారీగా రిలీజ్ చేస్తునట్టు అనౌన్స్ చేశారు. అయితే ఈ డేట్ లోనే పవన్ “హరిహర వీరమల్లు” కూడా రిలీజ్ చేసే ప్లాన్ లో ఉన్నామని ఆ సినిమా నిర్మాత రీసెంట్ గా ప్రకటించారు.

దీనితో ఒక్కసారిగా వీరమల్లు రిలీజ్ పై అందరిలో భారీ హైప్ స్టార్ట్ అయ్యింది. కానీ ఇప్పుడు ఇదే డేట్ కి నాని సినిమా ఫిక్స్ అవ్వడంతో పరిస్థితి మరింత ఆసక్తిగా మారింది. మరి ఈ రెండు సినిమాల మధ్య యుద్ధం ఉంటుందో లేదో చూడాల్సిందే..