Vijay Sethupathi: విజయ్ సేతుపతి.. ఈ పేరు గురించి ప్రత్యేకంగా పరిచయం అక్కర్లేదు. ఈ తమిళ నటుడు అయినప్పటికీ తెలుగులో భారీగా క్రేజ్ ని ఏర్పరచుకున్నారు. సినిమాలలో విలన్ క్యారెక్టర్లు చేస్తూ భారీగా గుర్తింపును తెచ్చుకున్నారు విజయ్ సేతుపతి. ముఖ్యంగా ఆయన ఉప్పెన సినిమాలో నటించి ప్రేక్షకులకు బాగా చేరువయ్యారు. సినిమాతోనే తెలుగు ప్రేక్షకులను పలకరించిన విషయం తెలిసిందే. ఈ సినిమాతో భారీగా క్రేజ్ ని తెచ్చుకున్నారు. ఇక ఈ సినిమా విడుదల తర్వాత విజయ్ సేతుపతి కి తెలుగులో కూడా వరుసగా అవకాశాలు క్యూ కట్టాయి.
అలాగే ఆయన నటించిన సినిమాలు కూడా తెలుగులోకి విడుదలవుతున్న విషయం తెలిసిందే. ఉప్పెన తర్వాత మెగాస్టార్ చిరంజీవి నటించిన సైరా సినిమాలో కీలకపాత్రలో నటించి మరింత దగ్గర అయ్యారు. రీసెంట్ గా మహారాజా సినిమాతో ప్రేక్షకుల ముందుకు వచ్చారు విజయ్. ఈ సినిమా మంచి విజయాన్ని అందుకుంది. ఈ సినిమా ఎలాంటి అంచనాలు లేకుండా వచ్చి భారీ విజయాన్ని అందుకుంది మహారాజ సినిమా. ఇప్పుడు మరో సినిమాతో ప్రేక్షకులను పలకరించబోతున్నారు. వెట్రిమారన్ దర్శకత్వంలో 2023లో విడుదలైన చిత్రం విడుదల 1. ఈ చిత్రంలో నటుడు సూరి, భవాని శ్రీతో పాటు విజయ్ సేతుపతి నటించారు. యాక్షన్‌, క్రైమ్‌ థ్రిల్లర్‌ కథాంశంతో తెరకెక్కిన ఈ సినిమా మాస్‌లో మంచి విజయాన్ని అందుకుంది.
ఇప్పుడు ఈ చిత్రానికి సీక్వెల్ గా విడుదల 2 త్వరలో విడుదల కానుంది. ఈ సందర్భంలో, సినిమా విడుదల పార్ట్ 2 ప్రస్తుతం విడుదలకు సిద్ధమవుతోంది. ఆర్‌ఎస్ ఇన్ఫోటైన్‌మెంట్, క్రాస్ రూట్ ఫిల్మ్ కంపెనీ సంయుక్తంగా నిర్మిస్తున్నాయి. విజయ్ సేతుపతి, మంజు వారియర్, సూరి, భవానీ శ్రీ, గౌతం వాసుదేవ్ మీనన్ కూడా ఈ చిత్రంలో నటిస్తున్నారు. ఈ సినిమా త్వరలో విడుదల కానున్న సందర్భంగా ఈ సినిమా ప్రమోషన్స్ కార్యక్రమాలను మొదలుపెట్టారు. ఈ సందర్భంలో, హైదరాబాద్‌ లో జరిగిన ఒక కార్యక్రమంలో విజయ్ సేతుపతి సినిమా గురించి మాట్లాడిన మాటలు సోషల్ మీడియాలో వైరల్ గా మారాయి. అభిమానులు విజయ్ సేతుపతిని కొన్ని ప్రశ్నలు అడిగారు. అలాగే ఒక అభిమాని అడిగిన ప్రశ్నకు విజయ్ కు కోపం వచ్చింది. మీ యూత్ సీన్స్ కోసం డి ఏజింగ్ టెక్నాలజీని ఉపయోగించారు, ఇది నిజమేనా? అని ప్రశ్నించాడు ఒక అభిమాని. దీనికి విజయ్ రెస్పాండ్ అవుతూ..దానికి అర్థం ఏమిటి? నా సినిమా చూసి మీకు నచ్చిందో లేదో చెప్పండి అంతే. సినిమాల్లో ఖచ్చితంగా టెక్నాలజీని ఉపయోగించి తీస్తారు. అయితే ఆ విషయాలు ప్రేక్షకులకు ఎందుకు తెలియాలి? అని విజయ్ అన్నారు. ఈ నేపథ్యంలోనే విజయ్ ముఖాన్ని కాస్త సీరియస్ గా పెట్టారు. ఇందుకు సంబంధించిన వీడియోలు కూడా సోషల్ మీడియాలో వైరల్ గా మారాయి.