Samantha: టాలీవుడ్ టాప్ హీరోయిన్ సమంత గురించి ప్రత్యేకంగా పరిచయం అవసరం లేదు. ఈమె ఏం మాయ చేసావే సినిమా ద్వారా తెలుగు ప్రేక్షకులకు పరిచయమైంది. మొదటి సినిమాతోనే ఫిలింఫేర్ అవార్డును సొంతం చేసుకున్న ఈ ముద్దుగుమ్మ ఆ తర్వాత వరుస సినిమాల్లో నటిస్తూ ప్రస్తుతం హీరోయిన్ గా కొనసాగుతున్నారు. ఇండస్ట్రీలో స్టార్ హీరోయిన్ గా కొనసాగుతున్నటువంటి సమంత గురించి కొన్ని విషయాలు కూడా తెలుసుకుందాం…
సమంత మధ్య తరగతి కుటుంబంలో జన్మించి ఎన్నో ఆర్థిక పరమైన ఇబ్బందులను ఎదుర్కొన్నారు. ఈ క్రమంలోనే చిన్న చిన్న ఉద్యోగాలు చేస్తూ మోడలింగ్ వైపు అడుగులు వేసి అనంతరం హీరోయిన్ గా పరిచయమైంది. ఈ విధంగా హీరోయిన్ గా ఎంతో ఉన్నత స్థానంలో ఉన్న సమంత ప్రత్యూష ఫౌండేషన్ ద్వారా ఎంతో మంది అనాధలకు వృద్ధులకు సేవలు అందిస్తోంది. సమంతాకి హాలీవుడ్ హీరో ఆడ్రీ హెప్బర్న్ ప్రేరణ అని చెప్పుతుంది.
ఈమెకు కష్టపడేతత్వం ఎక్కువగా ఉండటం వల్ల చిన్నప్పుడు స్కూల్లో కాలేజీలో టాపర్ రావాలని ఎంతో కష్టపడి చదివేది. ఈ క్రమంలోనే ఇండస్ట్రీలో కూడా టాప్ హీరోయిన్ గా కొనసాగడం కోసం సమంత ఎలాంటి పాత్రలో నటించడానికి సాహసం చేస్తోంది. సమంతకు ఎంతో ఇష్టమైన ఫుడ్ ఏది అనే విషయానికి వస్తే సూషీ ,డెయిరీ మిల్క్ చాక్లెట్ చాలా ఇష్టం. పాలకోవా ఆమెకి ఎంతో ఇష్టమైన స్వీట్. రోడా బ్రైన్ రచించిన “ద సీక్రెట్” అనే పుస్తకం అంటే తనకు ఎంతో ఇష్టమని సమంత ఒకానొక సందర్భంలో వెల్లడించారు.