యంగ్ రెబల్ స్టార్ ప్రభాస్ హీరోగా పూజా హెగ్డే హీరోయిన్ గా నటిస్తున్న మోస్ట్ అవైటెడ్ సినిమా “రాధే శ్యామ్”. ఎప్పుడో లాక్ డౌన్ కి ముందు స్టార్ట్ అయ్యిన ఈ సినిమా ఇప్పటికీ రిలీజ్ కి నోచుకోలేదు. దీనితో ఈ భారీ సినిమా ఎప్పుడెప్పుడు రిలీజ్ అనగా మేకర్లు వచ్చే ఏడాది సంక్రాంతి రేస్ లో ఫిక్స్ చేశారు. ఇక ఇదిలా ఉండగా ఈ సినిమా విషయంలో అప్డేట్స్ కూడా అరకొరగానే సినిమా లేట్ అవుతూ ఉండడం మూలాన అందిస్తూ వచ్చారు.
అయితే ఇప్పుడు ఈ సినిమా నుంచి మేకర్స్ ఓ అద్భుతమైన అప్డేట్ కి ఇచ్చేందుకు ముహూర్తం ఖరారు చేసినట్టు తెలుస్తుంది. ఈ అక్టోబర్ నెల 23న డార్లింగ్ హీరో ప్రభాస్ బర్త్ డే కానుకగా ఈ మోస్ట్ అవైటెడ్ సినిమా నుంచి టీజర్ ని రిలీజ్ చెయ్యడానికి మేకర్స్ ఫిక్స్ చేసినట్టు ఇండస్ట్రీ వర్గాల్లో టాక్. ఇక దీనిపై అధికారిక క్లారిటీ ఇంకా రావాల్సి ఉంది. ఇక ఈ భారీ సినిమాకి జస్టిన్ ప్రభాకరన్ సంగీతం అందిస్తుండగా యూవీ క్రియేషన్స్ వారు నిర్మాణం వహించిన సంగతి తెలిసిందే.