Actor Darshan: రేణుక స్వామి హత్య కేసులో ప్రధాన నిందితుడిగా ఉన్న ప్రముఖ కన్నడ నటుడు దర్శన్ ప్రస్తుతం జైల్లో ఉన్న విషయం తెలిసిందే. అయితే జైల్లో ఉన్న ఈ హీరోకి అక్కడ ప్రత్యేక సౌకర్యాలు ఏవి అందడం లేదట. దాంతో జైల్లో చాలా ఇబ్బందులు పడుతున్నారట. కాగా రేణుకస్వామి హత్య కేసులో దర్శన్ గత సంవత్సరం అరెస్ట్ అయినా విషయం తెలిసిందే. ఆ తర్వాత కర్ణాటక హైకోర్టు అతనికి బెయిల్ కూడా మంజూరు చేసింది. అయితే సుప్రీంకోర్టు నటుడి బెయిల్ ను రద్దు చేసింది.
అలాగే జైలులో అతనికి ఎటువంటి ప్రత్యేక సౌకర్యాలు కల్పించకూడదని కూడా ఆదేశాలను కూడా జారీ చేసింది. ప్రస్తుతం దర్శన్ బెంగళూరులోని పరప్పన అగ్రహార జైలులో ఉన్నారు. కోర్టు ఆదేశాల అనుసారం అతనికి ఎలాంటి ప్రత్యేక సౌకర్యాలు కల్పించడం లేదు. దీంతో ఒకప్పుడు స్టార్ హీరోగా లగ్జరీ లైఫ్ అనుభవించిన దర్శన్ ఇప్పుడు ఒక సామాన్య ఖైదీగా జైలులో మగ్గుతూ జైలు జీవితం గడుపుతున్నారు. కాగా దర్శన్ బెంగళూరులోని 57వ CCH కోర్టులో అదనపు దిండు, బెడ్షీట్ కోసం దరఖాస్తు దాఖలు చేశారు. ఈ దరఖాస్తు మంగళవారం సెప్టెంబర్ 09 విచారణకు వచ్చింది.
ఈ సమయంలో, దర్శన్ వీడియో కాల్ ద్వారా విచారణకు హాజరయ్యారు. ఆ తరువాత, అతను మొదట చేయి పైకెత్తి నాకు ఒక రిక్వెస్ట్ ఉంది సార్ అని అడిగాడు. దీనికి స్పందించిన జడ్జీ ఏమిటని నటుడిని అడిగారు. అప్పుడు దర్శన్ ఇచ్చిన సమాధానం న్యాయమూర్తితో పాటు అందరినీ షాక్ కు గురిచేసింది. సూర్యోదయాన్ని చూసి నెల రోజులకు పైనే అవుతుంది. ఎండ అన్నది చూడడం లేదు. దీంతో నా చేతులకు ఫంగల్ ఇన్ఫెక్షన్ వచ్చేశాయి. బట్టలు కంపు కొడుతున్నాయి. ఇలా నేను బతకలేను. ఒక్క చుక్క విషం ఇవ్వండి నేను చనిపోతాను. నా జీవితం అత్యంత దుర్భరంగా తయారయ్యింది అని దర్శన్ న్యాయమూర్తి విలపించాడు. దీనిపై స్పందించిన జడ్జి.. అలాంటివి మీరు అడగకూడదు. ఇది జరగదు. మీ గురించి జైలు అధికారులకు మేము ఇవ్వాల్సిన ఆదేశాలు ఇస్తాము. అని చెప్పి విచారణను వాయిదా వేశారు న్యాయ మూర్తి.
Actor Darshan: జైలులో వాసన భరించలేకపోతున్నాను.. జడ్జిని వింత కోరిక కోరిన హీరో దర్శన్!
