Chandrahaas: ప్రముఖ బుల్లితెర నటుడు ప్రభాకర్ కొడుకు ఆటిట్యూడ్ స్టార్ చంద్రహాస గురించి మనందరికి తెలిసిందే. సినిమా ఇండస్ట్రీకి ఎంట్రీ ఇచ్చిన కొత్తలో చంద్రహాస్ భారీగా ట్రోల్స్ జరిగాయి. ముఖ్యంగా తన ఆటిట్యూడ్ తో ఇంకా ఫేమస్ అవ్వడంతో పాటుగా ట్రోల్స్ తో భారీగా ఫేమస్ అయ్యాడు అని చెప్పాలి. కాగా ఆటిట్యూడ్ స్టార్ చంద్రహాస్ ఇప్పటికే రెండు సినిమాలతో ప్రేక్షకులను పలకరించిన విషయం తెలిసిందే. అయితే తాజాగా తన పుట్టిన రోజు సందర్భంగా కొత్త సినిమాను ప్రకటించారు.
శ్రీకాంత్ రాజారత్నం నిర్మాతగా జైరామ్ చిటికెల దర్శకత్వంలో తెరకెక్కుతున్న సినిమా కాయిన్. నేడు ఈ సినిమా టైటిల్ ప్రకటిస్తూ ఫస్ట్ పోస్టర్ ని రిలీజ్ చేస్తూ ప్రెస్ మీట్ ని నిర్వహించారు. ఈ ప్రెస్ మీట్ కి గెస్ట్ గా వచ్చిన డైరెక్టర్ సాయి రాజేష్ మాట్లాడుతూ.. ప్రభాకర్ గారితో నాకు చాలా ఏళ్ల అనుబంధం ఉంది. చంద్రహాస్ నాకు చిన్నప్పటి నుంచి తెలుసు. ఈ కథ చెప్పినప్పుడు కాయిన్ చుట్టూ ఇంత జరిగిందా అని షాక్ అయ్యాను. ట్రైలర్ వచ్చిన తరువాత సినిమాపై అంచనాలు పెరుగుతాయి అని అన్నారు.
అనంతరం ఆటిట్యూడ్ స్టార్ చంద్రహాస్ మాట్లాడుతూ.. యథార్థ సంఘటనల ఆధారంగా డైరెక్టర్ జైరామ్ ఈ కాయిన్ సినిమాని రాశారు. పాత ఐదు రూపాయల కాయిన్స్ ని బ్యాన్ చేయడం, ఆ కాయిన్స్ మెల్ట్ చేయడం, వాటి నేపథ్యంలో క్రైమ్ అనే పాయింట్లతో అద్భుతంగా కథ ఉంటుంది. నేను కథ నచ్చితే ఏ జానర్ అన్నది ఆలోచించను. అన్ని రకాల సినిమాలు చేస్తాను. సినిమాల్ని పూర్తిగా నేనే ఓకే చేస్తాను. నాన్న అప్పుడప్పుడు సలహాలు, సూచనలు ఇస్తుంటారు. నన్ను సపోర్ట్ చేసిన వాళ్ల నమ్మకాన్ని నిలబెట్టడానికి, నన్ను ట్రోల్ చేసే వారికి సమాధానం చెప్పేందుకు నేను ఎప్పుడూ కష్ట పడుతూనే ఉంటాను అని అన్నారు.
