పవర్ స్టార్ పవన్ కళ్యాణ్, దగ్గుబాటి రానా కాంబినేషన్లో రూపొందుతోన్న మూవీ ‘భీమ్లా నాయక్’. భారీ అంచనాల నడుమ తెరకెక్కుతోన్న మలయాళ సూపర్ హిట్ రీమేక్ మూవీ ఇది. శరవేగంగా షూటింగ్ పనులు జరుగుతున్నాయి. సంక్రాంతి రేస్లో ఈ సినిమా ఉన్న సంగతి తెలిసిందే.
కాగా, డేనియల్ శేఖర్ పాత్ర పోషిస్తున్న రానా భార్య పాత్ర కోసం ఇంత వరకూ వెతుకులాట జరిగింది.అందులో భాగంగా మలయాళ బ్యూటీ సంయుక్తా మీనన్ని ఆ పాత్ర కోసం ఎంచుకున్నారు. లేటెస్ట్గా సంయుక్తా మీనన్ షూటింగ్కి కూడా హాజరైనట్లు చిత్ర యూనిట్ తెలిపింది.
ఆల్రెడీ పవన్ కళ్యాణ్ సతీమణిగా మలయాళ భామ నిత్యా మీనన్ నటిస్తున్న సంగతి తెలిసిందే. ఇద్దరూ టాలెంటెడ్ ముద్దుగుమ్మలే. ఒరిజినల్ కథ ఆధారంగా చూస్తే, వీరిద్దరికీ సినిమాలో కాంబినేషన్ సీన్లు లేవు కానీ, ఎవరి పాత్రల పరిధి మేరకు వారి పాత్రలు ప్రాధాన్యత ఉన్నవే. నిత్యా మీనన్ పాత్ర ఇంకాస్త పవర్ ఫుల్గా ఉండబోతోంది.
సాగర్.కె.చంద్ర దర్శకత్వం వహిస్తున్న ఈ సినిమాకి మాటల మాంత్రికుడు త్రివిక్రమ్ శ్రీనివాస్ కథ, స్ర్కీన్ ప్లే అందిస్తున్నారు. థమన్ మ్యూజిక్ అందిస్తున్నారు.