Baktha kannappa: టాలీవుడ్ హీరో మంచు విష్ణు ప్రధాన పాత్రలో నటిస్తున్న తాజా చిత్రం భక్తకన్నప్ప. ఈ సినిమా విష్ణు డ్రీమ్ ప్రాజెక్ట్ అన్న విషయం మనందరికీ తెలిసిందే. ఇదే విషయాన్ని చాలా సందర్భాలలో చెప్పుకొచ్చారు విష్ణు. ఇకపోతే ఈ సినిమాలో మంచు విష్ణుతో పాటు బాలీవుడ్ టాలీవుడ్ స్టార్ సెలబ్రిటీలు నటిస్తున్న విషయం తెలిసిందే. ఇప్పటికే ఈ సినిమాపై అంచనాలు ఒక రేంజ్ లో ఏర్పడ్డాయి. ఈ సినిమా కోసం టాలీవుడ్ అభిమానులు ఎంతో ఆత్రుతగా ఎదురుచేస్తున్నారు. అయితే ఇప్పటికే విడుదలైన టీజర్‌ కు ప్రేక్షకుల నుంచి అద్భుతమైన రెస్పాన్స్ వచ్చింది. ఇది ఇలా ఉంటే తాజాగా ఈ మూవీకి సంబంధించిన బిగ్ అప్‌డేట్‌ ప్రకటించారు మూవీ మేకర్స్.
ఈ చిత్రంలో మోహన్ బాబు ఫస్ట్‌ లుక్ పోస్టర్ ను రివీల్ చేశారు. అల్ పోస్టర్ ని చూసిన అభిమానులు అదిరిపోయింది సూపర్, అంటూ కామెంట్ల వర్షం కురిపిస్తున్నారు. ఇకపోతే ఈ మూవీలో మహదేవ శాస్త్రి పాత్రలో మోహన్ బాబు కనిపించనున్నారు. పాన్ ఇండియా ప్రాజెక్ట్ గా తెరకెక్కిస్తోన్న ఈ మూవీని డిసెంబర్‌ లో ప్రేక్షకుల ముందుకు తీసుకురానున్నారు. ఇకపోతే ఇప్పటికే ఈ సినిమాలో నటిస్తున్న మధుబాల,శరత్‌కుమార్‌, దేవరాజ్‌ వంటి ప్రముఖ నటుల పోస్టర్లను విడుదల చేసిన విషయం తెలిసిందే. ఈ కన్నప్పలో ప్రభాస్ లాంటి అగ్రహీరో కూడా కనిపించనున్నారని ఎప్పటి నుంచో వార్తలు వినిపిస్తున్నాయి.
Unveiling the divine look of @themohanbabu garu as ‘Mahadeva Shastri’ in #Kannappa🏹. Witness the devotion and grandeur as they come to life! 🌟✨ #HarHarMahadevॐ#MohanBabu @ivishnumanchu @Mohanlal #Prabhas @akshaykumar @realsarathkumar #MukeshRishi @mukeshvachan… pic.twitter.com/Z8XbIV3ccd
— Kannappa The Movie (@kannappamovie) November 22, 2024
అలాగే ఇందులో మోహన్ లాల్, బ్రహ్మానందం, బాలీవుడ్ స్టార్ హీరో అక్షయ్ కుమార్ కీలక పాత్రల్లో నటిస్తున్నారు. ఇందులో కన్నప్ప పాత్రను మంచు విష్ణు పోషిస్తున్నారు. కాగా మోహన్ బాబు నిర్మిస్తున్న ఈ చిత్రానికి బాలీవుడ్ డైరెక్టర్‌ ముఖేష్ కుమార్ తెరకెక్కిస్తున్నారు. ఈ మూవీ షూటింగ్ దాదాపు చివరి దశకు చేరుకుంది. త్వరలోనే కన్నప్ప థియేటర్లలో సందడి చేయనుంది.