Pushpa 2 Movie: టాలీవుడ్ పాన్ ఇండియా హీరో ఐకాన్ స్టార్ అల్లు అర్జున్ హీరోగా నటించిన తాజా చిత్రం పుష్ప 2. 2021 లో విడుదలైన పుష్ప 1 సినిమాకు సీక్వెల్ గా ఈ సినిమా తెరకెక్కబోతున్న విషయం తెలిసిందే. పుష్ప 1 సినిమాకు గాను అల్లు అర్జున్ ఉత్తమ నటుడిగా జాతీయ అవార్డుని సైతం అందుకున్న విషయం తెలిసిందే. ఇకపోతే ప్రస్తుతం ఎక్కడ చూసినా కూడా పుష్ప 2 సినిమా పేరే వినిపిస్తోంది. ఈ సినిమా త్వరలోనే విడుదల కాబోతున్న విషయం తెలిసిందే. ఈ సందర్భంగా ఎక్కడ చూసినా కూడా ఈ సినిమా మేనియానే కనిపిస్తోంది.
ప్రస్తుతం చిత్ర బృందం ఈ సినిమా ప్రమోషన్స్ కార్యక్రమాలలో భాగంగా బిజీబిజీగా ఉన్నారు. ఇకపోతే ఈ సినిమా ప్రమోషన్స్ లో భాగంగానే అల్లు అర్జున్ ఈ సినిమా గురించి మాట్లాడుతూ.. పుష్ప-2లో ప్రతి సన్నివేశం నేను చాలా ఇష్టపడి చేశాను. కానీ లేడీ గెటప్ రోల్ చేసినప్పుడు మాత్రం ఎంత ఇష్టపడ్డానో, అంతే కష్టపడ్డాను. అది చాలా పెయిన్. రెండున్నర గంటల మేకప్ పట్టేది. అది చూడ్డానికి ఈజీగా అనిపిస్తుంది కానీ చాలా ఛాలెంజ్. ఇప్పటివరకు నేను చేసిన సన్నివేశాల్లో చాలా కష్టమైన ఎపిసోడ్ లేడీ గెటప్. మానసికంగా, శారీరకంగా అది నన్ను చాలా ఇబ్బంది పెట్టింది. ఒక దశలో వెన్ను నొప్పి కూడా వచ్చేసింది.
మధ్యలో షూటింగ్ ఆపేయాల్సి వచ్చింది. పుష్ప-1లో ఊర మాస్ చూసిన జనం, పుష్ప-2లో జాతర మాస్ చూస్తారని తెలిపారు బన్నీ. అనంతరం ఈ సినిమా కలెక్షన్ ల వ్యవహారాల గురించి మాట్లాడుతూ.. వెయ్యి కోట్లు బిజినెస్ చేసిందో లేదో నాకు తెలియదు. కానీ ఇప్పటి వరకు ఏ సినిమా చేయనంత ప్రీ రిలీజ్ బిజినెస్ పుష్ప 2 చేసిందనేది మాత్రం కచ్చితంగా చెప్పగలను. వెయ్యి కోట్లు అనే నంబర్ నేను చెప్పను కానీ, టాలీవుడ్ లో హయ్యస్ట్ అని మాత్రం చెప్పగలను అని తెలిపారు అల్లు అర్జున్.