Game Changer: మెగా పవర్ స్టార్ రామ్ చరణ్ హీరోగా నటిస్తున్న తాజా చిత్రం గేమ్ చేంజర్. శంకర్ దర్శకత్వం వహిస్తున్న ఈ సినిమాలో కియారా అద్వానీ హీరోయిన్ నటిస్తున్న విషయం తెలిసిందే. ఈ సినిమా ఎప్పుడో విడుదల కావాల్సి ఉండగా పలు కారణాల వల్ల వాయిదా పడుతూనే వస్తోంది. అయితే ఎట్టకేలకు ఈ సినిమాను వచ్చే సంక్రాంతి పండుగకు విడుదల చేయాలని ఫిక్స్ అయ్యారు మూవీ మేకర్స్. ఇదే విషయాన్ని అధికారికంగా కూడా ప్రకటించారు. ఈ సినిమాను దిల్ రాజు నిర్మిస్తున్న విషయం తెలిసిందే.
అలాగే ఇందులో ఎస్ జె సూర్య కూడా కీలక పాత్రలో నటించారు. అభిమానులు ఈ సినిమా ట్రైలర్ కోసం ఎంతో ఆతృతగా ఎదురుచూస్తున్నారు. అయితే ఈ ట్రైలర్ విడుదల అయ్యి కచ్చితంగా మంచి సక్సెస్ సాధిస్తుందని అభిమానులు కూడా భావిస్తున్నారు. కానీ దర్శకుడు శంకర్ గత సినిమా భారతీయుడు2 ఊహించని విధంగా ఘోరమైన డిజాస్టర్ ను చవి చూడడంతో ఈ గేమ్ చేంజర్ విషయంలో చెర్రీ అభిమానులు కాస్త భయపడుతున్నారు. గేమ్ ఛేంజర్ కూడా పాన్ ఇండియా సినిమా కాబట్టి ట్రైలర్ ఈవెంట్ ను ఉత్తరాది రాష్ట్రాల్లో కూడా చేస్తున్నారు. తాజాగా లక్కోలో ట్రైలర్ విడుదల కార్యక్రమాన్ని నిర్వహించారు.
అక్కడ కార్యక్రమంలో మాట్లాడమని ఎస్.జె.సూర్యను కోరగా ఆయన మైక్ తీసుకొని.. పోతారు..అంతా పోతారు అని అన్నారు. ఇది నాని హీరోగా నటించిన సరిపోదా శనివారం సినిమాలోని ఫేమస్ డైలాగ్. ఈ సినిమా ఉత్తరాదిలో విడుదలైనా పెద్ద హైప్ రాలేదు. నాని కన్నా ప్రేక్షకులు ఎస్.జె.సూర్య విభిన్నమైన నటననే ఇష్టపడ్డారు. తాజాగా మరోసారి ఆ సినిమాను ఉత్తరాదిలో గుర్తుచేశారు. గేమ్ ఛేంజర్ సన్నివేశాలు అద్భుతంగా వచ్చాయని, వాటికి అదిరిపోయే స్పందన వస్తుందని సూర్య అన్నారు. అలా చెబుతూ పోతారు.. మొత్తం పోతారు అనే డైలాగును ఉపయోగించారు.