బాలయ్య బాబు హోస్ట్ గా ఆహలో ప్రసారమవుతున్న అన్ స్టాపబుల్ సీజన్ 4 ఎపిసోడ్ 4 కి అల్లు అర్జున్ గెస్ట్ గా వచ్చారు. కిందటి వారం ఈ ఎపిసోడ్ మొదటి భాగం విడుదల అవ్వగా అది బ్లాక్ బస్టర్ హీట్ అయింది. ఈ వారం ఎపిసోడ్ రెండో భాగాన్ని ఆహలో విడుదల చేశారు. ఇందులో అల్లు అర్జున్ తన కొడుకు అల్లు అయాన్ ఇంకా కూతురు అల్లు అర్హ లతో వచ్చి సందడి చేశారు.
బాలయ్య బాబుతో ముచ్చట్లు చెబుతూ టంగ్ ట్విస్టర్స్ ఆడారు. అర్హ అయితే తెలుగు పద్యం కూడా చెప్పింది. అలా మాటల్లో నీ ఫేవరెట్ హీరో ఎవరు అని అయాన్ నీ బాలయ్య అడగగా తన ఫేవరెట్ హీరో ప్రభాస్ అని, డాన్స్ లో చిరు తాత కానీ ఓవరాల్ గా ప్రభాసే అని చెప్పాడు. దానికి కారణం ఏంటని బాలయ్య అడగగా తనకి బాహుబలి అంటే చాలా ఇష్టమని అందుకే ప్రభాస్ ఫేవరెట్ అని చెప్పాడు అయ్యాను.
అల్లు అర్హాన్ని తన ఫేవరెట్ హీరో ఎవరని అడగగా సాకుంతల సినిమాలో అర్హ ఒక అబ్బాయి పాత్రలో నటించింది కనుక తన ఫేవరెట్ హీరో తనే అని గర్వంగా చెప్పింది. అయితే అల్లు అయాన్ చెప్పిన మాటలు సోషల్ మీడియాలో తెగ వైరల్ అయిపోతున్నాయి. మెగా ఫాన్స్ ఇంకా ప్రభాస్ ఫ్యాన్స్ చూసి మురిసిపోతున్నారు. అల్లు అర్జున్ ప్రభాస్ ఇండస్ట్రీలో ఎంత మంచి స్నేహితులు అందరికీ తెలిసిందే ఈ ఎపిసోడ్లో అల్లు అర్జున్ ప్రభాస్ గురించి కొన్ని విశేషాలు కూడా పంచుకున్నారు.
ఇకపోతే అల్లు అర్జున్ నటించిన పుష్ప 2 సినిమా విడుదలకు దగ్గరలో ఉంది. డిసెంబర్ 5న విడుదల కాబోతున్న ఈ సినిమా కోసం దేశవ్యాప్తంగా ప్రమోషన్ లో బిజీగా ఉన్నారు బన్నీ. ఈ సోమవారం శ్రీ లీలతో పాటు నటించిన ఐటమ్ సాంగ్ ఒకటి విడుదల కానుంది. మరి అది ఊ అంటావా సాంగ్ కి పోటీ వస్తుందో లేదో చూడాలి.