Charith Maanas: టాలీవుడ్ హీరో సుధీర్ బాబు గురించి మనందరికీ తెలిసిందే. సుధీర్ బాబు నటించినది తక్కువ సినిమాలే అయినప్పటికీ హీరోగా తనకంటూ ఒక ప్రత్యేకమైన గుర్తింపుని ఏర్పరచుకున్నారు. హీరో సుధీర్ బాబు మహేష్ బాబు సోదరి భర్త అనగా బావ అవుతాడు అన్న విషయం మనందరికీ తెలిసిందే. ఇకపోతే సుధీర్ బాబు ఇటీవలే మా నాన్న సూపర్ హీరో అనే సినిమాతో ప్రేక్షకులను పలకరించిన విషయం తెలిసిందే.
భారీ అంచనాల నడుమ విడుదలైన ఈ సినిమా ఆశించిన స్థాయిలో సక్సెస్ కాలేకపోయింది. ఇది ఇలా ఉంటే తాజాగా హీరో సుధీర్ బాబు తన సోషల్ మీడియా ఖాతాలో కొన్ని ఫోటోలను షేర్ చేశారు. తన కొడుకు చరిత్ బర్తడే సందర్భంగా పుట్టినరోజు వేడుకలను నిర్వహించారు ఫ్యామిలీ మెంబర్స్. ఈ పుట్టినరోజు వేడుకలలో మహేష్ బాబు ఫ్యామిలీ కూడా పాల్గొన్నారు. అయితే కొడుకు పుట్టినరోజు సందర్భంగా సుధీర్ బాబు సోషల్ మీడియాలో ఒక స్పెషల్ వీడియోని షేర్ చేస్తూ.. నీ స్పెషల్ డే రోజు నేను నిన్ను ఎంత లవ్ చేస్తున్నానో నువ్వు తెలుసుకోవాలని కోరుకుంటున్నాను.
నువ్వు రోజు రోజుకి ఇంత ఎత్తుకి ఎదుగుతున్నందుకు చాలా సంతోషంగా ఉంది. పుట్టినరోజు శుభాకాంక్షలు చెర్రీ అని రాసుకొచ్చారు సుధీర్ బాబు. ఇందుకు సంబంధించిన ఫోటోలు వీడియోలు సోషల్ మీడియాలో వైరల్ అవ్వడంతో మహేష్, సుధీర్ బాబు అభిమానులు చెర్రీకి పుట్టినరోజు శుభాకాంక్షలు తెలుపుతున్నారు. కాగా ఈ బర్త్ డే ఫోటోలలో మహేష్ బాబు స్పెషల్ అట్రాక్షన్ గా నిలిచారు. పూర్తిగా గడ్డాలు మీసాలు తీసేసి యంగ్ లుక్ లో కనిపిస్తూ బాగా ఆకట్టుకుంటున్నాడు మహేష్ బాబు.. ఇందుకు సంబంధించిన ఫోటోలు వీడియోలు ప్రస్తుతం సోషల్ మీడియాలో వైరల్ అవుతున్నాయి.