సూర్య సినిమాలో ఛాన్స్ కొట్టేసిన గ్యాంగ్ లీడర్ బ్యూటీ..?

సూర్య రీసెంట్ గా ఆకాశం నీ హద్దురా సినిమాతో సాలీడ్ హిట్ అందుకున్నాడు. సుధ కొంగర దర్శకత్వంలో తెరకెక్కిన ఈ సినిమా ఎన్నో అవాంతరాలను ఎదుర్కొని ఓటీటీ ద్వారా ప్రేక్షకుల ముందుకు వచ్చి భారీ సక్సస్ ని అందుకుంది. సూర్య గత చిత్రాలు బందోబస్త్, ఎన్.జీ.కె సినిమాలు పెద్దగా ప్రేక్షకులను మెప్పించలేకపోయాయి. దాంతో ఆకాశం నీ హద్దురా సినిమా మీద ఆశలన్నీ పెట్టుకున్నాడు. ఊహించని విధంగా ఈ సినిమా మంచి కమర్షియల్ హిట్ ని సాధించింది. తాజాగా బుల్లితెరమీద కూడా ఈ సినిమా మంచి రేటింగ్ ని సాధించింది.

కాగా సూర్య నెక్స్ట్ సినిమాని మొదలు పెట్టేందుకు సన్నాహాలు చేసుకుంటున్నాడు. ప్రముఖ నిర్మాణ సంస్థ సన్ పిక్చర్స్ భారీ బడ్జెట్ తో ఈ సినిమాని నిర్మించబోతున్నారు. ఈ సినిమా కోసం సూర్య ఫ్యాన్స్ కూడా ఎంతో ఆసక్తిగా ఎదురు చూస్తున్నారు. కోలీవుడ్ స్టార్ డైరెక్టర్ పాండి రాజన్ దర్శకత్వం వహించబోతున్న ఈ సినిమా సూర్య కెరీర్ లో బెస్ట్ సినిమాగా నిలుస్తుందని సూర్య అభిమానులు చెప్పుకుంటున్నారు. అందుకు కారణం పాండి రాజన్ దర్శకత్వంలో తెరకెక్కే కథలు గొప్పగా ఉండటమే. నేషనల్ అవార్డ్ ని అందుకున్న దర్శకుడు. అందుకే సూర్య – పాండి రాజన్ కాంబినేషన్ లో సినిమా అనగానే అంచనాలు ఆకాశాన్ని తాకుతున్నాయి.

కాగా ఈ సినిమాలో లక్కీ ఛాన్స్ అందుకుందట గ్యాంగ్ లీడర్ బ్యూటీ ప్రియాంక అరుల్ మోహన్. నేచురల్ స్టార్ నాని – విక్రం కె కుమార్ కాంబినేషన్ లో వచ్చిన గ్యాంగ్ లీడర్ సినిమాతో టాలీవుడ్ కి పరిచయమయిన ప్రియాంక అరుల్ మోహన్ మొదటి సినిమాతోనే టాలీవుడ్ మేకర్స్ ని ఆకట్టుకుంది. ప్రస్తుతం శర్వానంద్ తో శ్రీకారం అన్న సినిమా చేస్తున్న ప్రియాంక అరుల్ కి నాగ చైతన్య కి జంటగా నటించే అవకాశం దక్కిందని అంటున్నారు. ఈలోపే సూర్య – పాండి రాజన్ ప్రాజెక్ట్ లో నటించే ఛాన్స్ అందుకుందట. ఈ సినిమా గనక హిట్ అయితే ఇక ప్రియాంక అరుల్ కి కోలీవుడ్ లో స్టార్ హీరోయిన్ ఇమేజ్ వచ్చేసినట్టే అంటున్నారు.