తనకి అవార్డ్ రావడంలో ఊహించని నిజం రివీల్ చేసిన హీరో సూర్య.!

తాజాగా ఇండియన్ సినిమా దగ్గర అత్యున్నత పురస్కారాల్లో ఒకటైన జాతీయ స్థాయి అవార్డులను ప్రకటించిన సంగతి అందరికీ తెలిసిందే. మరి ఈ చిత్రాల్లో స్టార్ హీరో సూర్య శివకుమార్ నటించిన సూపర్ హిట్ సినిమా “ఆకాశం నీ హద్దురా” కూడా ఒకటి. అనేక అంశాల్లో ఈ సినిమాకి పలు అవార్డులు వచ్చాయి.

అంతే కాకుండా ఈ సినిమా చూసిన తర్వాత డెఫినెట్ గా సూర్యకి కూడా నేషనల్ అవార్డు వస్తుంది అని నమ్మిన వారు మాట నిజం అయ్యి సూర్య కూడా అవార్డు తన అద్భుత నటనకి గాను దక్కించుకున్నాడు. ఇక ఇదిలా ఉండగా ఈ సినిమాకి అవార్డు రావడంతో సూర్య తన దర్శకురాలు సుధ కొంగరకు ధన్యవాదాలు తెలుపగా..

అసలు ఈ సినిమాపై ఓ ఊహించని నిజాన్ని బయటపెట్టడం ఆసక్తిగా మారింది. సూర్య దగ్గరకి అసలు ఈ సినిమాని తీసుకొచ్చింది మరెవరో కాదు తన భార్య జ్యోతిక అట. తాను ఈ సినిమాని తన దగ్గరకి తీసుకు రాకపోతే ఈ సినిమా చేసి ఉండేవాడిని కాదని తన నిర్మాణంలో తాను నటించడం జరిగింది అంటే..

అది తన భార్య జ్యోతిక వల్లనే అని సూర్య తన ప్రెస్ నోట్ లో తెలిపి ఆమెకి ప్రత్యేక ధన్యవాదాలు తెలిపాడు. అయితే ఈ సినిమా ఒరిజినల్ వెర్షన్ “సూరారై పోట్రు” తమిళ్ లో ఈ నేషనల్ అవార్డు దక్కింది. దీనిని మన తెలుగులో “ఆకాశం నీ హద్దురా” గా ఓటిటి లో రిలీజ్ చేశారు.