మన హిందూ సంస్కృతిలో పూజలకు చాలా ప్రాముఖ్యత ఉంది . ప్రతిరోజు ప్రజలు తమ విష్ట దైవానికి పూజలు చేస్తూ ఉంటారు. చాలామంది శివుడు, లక్ష్మీదేవి, ఆంజనేయుడు వంటి దేవతలకు ఎక్కువగా పూజలు చేస్తూ ఉంటారు. అయితే చాలామంది ప్రజలు శని దేవుడి పేరు వినగానే ఇంకొంచెం భయానికి లోనవుతారు. ఎందుకంటే శని దేవుని పూజించేటప్పుడు నియమాలను తప్పనిసరిగా పాటించాలి. ఏ చిన్న పొరపాటు జరిగినా కూడా శనిదేవుడు ఆగ్రహానికి గురి కావాల్సి వస్తుంది. అందువల్ల చాలామంది ప్రజలు శనిదేవుని పూజించటానికి ఆలోచిస్తూ ఉంటారు. అయితే ఆ శని దేవుని అనుగ్రహం మనపై ఉంటే చాలు మనం అనుకున్న పనులు అన్ని నెరవేరుతాయి.
ఒకవేళ జాతకంలో శనిదోషం ఉన్నప్పుడు మనం ఏ పని ప్రారంభించినా కూడా నిరాశ ఎదురవుతుంది. అలాగే ఆరోగ్య సమస్యలు, ఆర్థిక సమస్యలు వెంటాడుతూ ఉంటాయి. అందువల్ల జాతకంలో ఉన్న శని దోషం తొలగిపోయి ఆ శనిదేవుని అనుగ్రహం పొందటానికి వివిధ రకాల పూజలు, పరిహారాలు చేయాలి. అలా చేయటం వల్ల జాతకంలో ఉన్న శని దోషం తొలగిపోయి శని దేవుడి అనుగ్రహం లభిస్తుంది. శని దేవుడి అనుగ్రహం మనపై ఉందని తెలపటానికి కొన్ని సూచనలు ఉంటాయి. ఇప్పుడు మనం వాటి గురించి తెలుసుకుందాం.
జాతకంలో గ్రహాల మార్పు వల్ల శని దేవుడి అనుగ్రహం మనకు లభిస్తుంది. అలాంటి సమయంలో నిత్యం సమస్యలతో సతమతమవుతున్న వారు ఒక్కసారిగా సమస్యల సుడిగుండం నుండి బయటపడి మనశాంతి పొందుతారు. అలాగే నిత్యం ఆరోగ్య సమస్యలతో బాధపడే వారు కూడా ఒక్కసారిగా ఆరోగ్య సమస్యలు అన్ని తొలగిపోయిన కూడా ఆ సమయంలో ఆ శనిదేవుడు అనుగ్రహం మనపై ఉందని గుర్తుంచుకోవాలి. అలాగే తరచూ ఆర్థిక సమస్యలతో సతమతమయ్యే వారు కూడా ఆ సమస్యల నుండి విముక్తి పొందినప్పుడు కూడా శని దేవుడి అనుగ్రహం వల్ల ఇలా జరిగిందని విశ్వసించాలి. అంతేకాకుండా తరచూ మనం చేపట్టిన పనులు ఆటంకాల వల్ల ఆగిపోకుండా మనం చేపట్టిన పనులలో విజయం సాధించినప్పుడు కూడా ఆ శని దేవుడి అనుగ్రహం ఉందని మనం భావించవచ్చు.