బుల్లితెరపై సుమ కనిపించిందంటే చాలు.. వద్దన్నా నవ్వులు పూలు పూస్తాయి. యాంకరింగ్‌లో టాప్ యాంకర్‌గా తనదైన ముద్ర వేయించుకున్న సుమ కనకాల తన పర్సనల్ లైఫ్‌ గురించి కొన్ని ఆసక్తికరమైన విషయాలను వెల్లడించింది.
స్ర్కీన్‌పై నవ్వుతూ, నవ్విస్తూ కనిపించే సుమ కనకాల ఓ స్కిన్ డిజార్డర్‌తో బాధపడుతుందట. చాలా ఏళ్లుగా తనకీ స్కిన్ ప్రాబ్లమ్ ఉందని చెబుతోంది. కీలాయిడ్ టెండెన్సీ అను ఆ స్కిన్ ప్రాబ్లమ్ వల్ల ఏదైనా చిన్న గాయం తగిలినా, అది మెల్లగా చుట్టుపక్కల భాగాలకు కూడా వ్యాపించి పెద్ద గాయంగా మారిపోతుందట.
ఎన్నో రకాల ట్రీట్‌మెంట్లు తీసుకున్నా ఆ సమస్య నుండి బయటపడడం సాధ్యం కాలేదంటోంది సుమ. చాలా ఏళ్లుగా ఈ సమస్య తనను వేధిస్తుందనీ, ఏమీ చేయలేక అంత పెద్ద సమస్యను కూడా నవ్వుతూ స్వీకరించి తన శరీరంలో భాగం చేసుకున్నాననీ చెప్పుకొచ్చింది.
మరో బుల్లితెర యాంకర్ రష్మి కూడా ఈ తరహా స్కిన్ డిసీజ్ గురించి గతంలో చెప్పుకొచ్చిన సంగతి తెలిసిందే. అంతేకాదు, హీరోయిన్ సమంత కూడా ఒక రకమైన స్కిన్ డిజార్డర్‌తో బాధపడుతున్న సంగతీ అందరికీ తెలిసిందే.