ఈ వారంలో రిలీజ్ కాబోతున్న రజనీ చిత్రం ‘2.0’ సినిమాకు శంకర్ దర్శకత్వం వహించారు. అక్షయ్ కుమార్ విలన్ పాత్ర పోషించారు. లైకా ప్రొడక్షన్స్ సంస్థ సినిమాను నిర్మించింది. ముఖ్యంగా ఈ సినిమాలో అక్షయ్ కుమార్ గెటప్ గురించే అంతటా చర్చ. చాలా డిఫెరెంట్ లుక్ తో ఆయన ఈ సినిమాలో కనిపిస్తారు. అక్షయ్ ఆ గెటప్ను ధరించడానికి ఎంత కష్టపడ్డాడో కూడా ఇప్పటికే మేకర్స్ వీడియోను రిలీజ్ చేశారు.
అయితే ఆ గెటప్లో మనని మనం చూసుకోవటానికి, అక్షయ్ పడినంత కష్టం మనం పడనక్కర్లేదు.. అక్షయ్ సోషల్మీడియాలో షేర్చేసిన లింక్ను క్లిక్ చేస్తే మనం కూడా ఆ గెటప్లోకి మారొచ్చు. మరి ఇంకెందుకు ఆలస్యం మీరు కూడా ఓసారి ట్రై చేయండి.
The new face of evil will unveil in 3 days, experience it yourself with the #2Point0Filter! Try now – https://t.co/ryQjQpOV6k@2Point0Movie @shankarshanmugh @DharmaMovies @LycaProductions #2Point0FromNov29 pic.twitter.com/en8EW4lOZe
— Akshay Kumar (@akshaykumar) November 26, 2018
అక్షయ్కుమార్ మాట్లాడుతూ..‘‘ఇది నాకు కేవలం సినిమా మాత్రమే కాదు. నేను స్కూల్ కు వెళ్లి నటన నేర్చుకున్నట్లు ఉంది. నా ప్రిన్సిపల్ శంకర్ సర్. గత 28 ఏళ్లుగా నేను ఈ చిత్ర పరిశ్రమలో ఉన్నాను. ఇన్నాళ్లూ నేర్చుకోని ఎన్నో విషయాలు ఈ సినిమా ద్వారా నేర్చుకున్నా. ఈ సినిమాలో, సూపర్స్టార్ రజనీ సర్తో నటించే అవకాశం ఇచ్చిన శంకర్కు నా ధన్యవాదాలు. ఈ సినిమా స్క్రిప్టు విన్నప్పుడు రజనీ విలన్గా ఆయనతో తన్నులు తినడమే నాకు గొప్ప గౌరవంగా భావించా. ఈ సినిమాను నేనూ ఇంత వరకూ చూడలేదు. మీలాగే నేను ఎదురుచూస్తున్నా’’ అని అక్షయ్ అన్నారు.
దాదాపు రూ.550 కోట్ల బడ్జెట్తో ఈ సినిమాను తెరకెక్కించారు. శాటిలైట్, డిజిటల్ తదితర హక్కుల ద్వారా ఇప్పటికే ఈ చిత్రం రూ.370 కోట్లు వసూలు చేసినట్లు సమాచారం. నవంబరు 29న ఈ చిత్రం విడుదల కోసం ప్రపంచ వ్యాప్తంగా ఉన్న సినీ అభిమానులు ఎదురుచూస్తున్నారు. అమీజాక్సన్ హీరోయిన్గా నటించిన ఈ చిత్రానికి ఏఆర్ రెహమాన్ సంగీతాన్ని అందించారు.