కోవెరా క్రియేషన్స్ సంస్థ నిర్మించిన “యు, కథే హీరో ” చిత్రాన్ని ఈరోజు సెన్సార్ సభ్యులు చూసి యు /ఏ సర్టిఫికెట్ ఇచ్చారు . కోవెరా , హిమాన్సీ చౌదరి జంటగా నటించిన ఈ చిత్రంలో అభిమన్యు అనే ఓ సబ్ ఇన్స్పెక్టర్ తను పనిచేస్తున్న ఊరిలో స్కూల్ టీచర్ గా పనిచేస్తున్న శశి రేఖ అనే అమ్మాయిని చూసి ప్రేమిస్తాడు . పెద్దలను ఒప్పించి వివాహం చేసుకుంటాడు . ఆ తరువాత అతనికిఎదురైన అతి క్లిష్టమైన సమస్యను తన ప్రాణాలను ఒడ్డి ఎలా సాధించాడు అన్నదే ఈ సినిమా . దేశ భద్రతకు సంబందించిన కథ తీసుకొని సాహసంతో ఈ సినిమా నిర్మించారు .
హిమాన్సీ చౌదరి ఈ సినిమాతో పరిచయం అవుతుంది . శశి రేఖ అనే పాత్రలో చక్కటి నటనను ప్రదర్శించింది . శాస్త్రీయ నృత్యంలో ప్రతిభావంతురాలైన ఈ అమ్మాయి సినిమా హీరోయిన్ గా ఎదగాలనే ఆశతో వుంది .
ఈ చిత్ర్రానికి నిర్మాత , దర్శకుడు, హీరో ఒకరే. కొండా వెంకట రాజేంద్ర. అయితే తన పేరులోని అక్షరాలను తీసుకొని కోవెరా అనే పేరుతో హీరోగా పరిచయం అవుతున్నాడు . ఇంకా మిగతా పాత్రల్లో తనికెళ్ళ భరణి, శుభలేఖ సుధాకర్, స్వప్నా రావు, ఉప్పలపాటి నారాయణ రావు తదితరులు నటించారు . ఈ చిత్రానికి సంగీతం సత్య మహావీర్, ఛాయాగ్రహణం రాకేష్ గౌడ్ , కళ జయదేవ్ , కూర్పు అమర్ రెడ్డి నిర్వహించారు .