(సూర్యం)
సురేఖా వాణి ..పేరు చెప్పి గుర్తు చేయక్కర్లేదు. ఆమెను చూడగానే తెలుగు ప్రేక్షకులు ఇట్టే గుర్తు పట్టేస్తారు. ఎందుకంటే ఆమె చేసిన చాలా పెద్ద సినిమాల్లో క్యారక్టర్స్ మంచివి పడ్డాయి. ఫ్యామిలీస్ తెగ నచ్చేసే ఆంటి,వదిన వంటి పాత్రల్లో జీవించింది. హోమ్లీ ఆర్టిస్ట్ గా పేరున్న ఆమె సోషల్ మీడియాలో తన పోస్ట్ లతో రచ్చ రచ్చ చేస్తూంటుంది. అయితే తెర మీద వేరు..తెర వెనక పర్శనల్ లైఫ్ వేరు…కాబట్టి అసలు అది సమస్య కాదు. అయితే ఆమె గత కొంత కాలంగా హాట్ ఫొటోలు జనాలపైకి వదులుతూ రచ్చ చేస్తోంది. తాజాగా ఇదిగో ఇలా డెవిల్ లా తయరై ఓ ఫొటో పెట్టింది.
యూకే లోనూ.. అమెరికాలోను అక్టోబర్ 31 సాయంత్రం హాలోవీన్ ఈవెనింగ్ గా జరుపుకోవడం ఆచారంగా వస్తోంది. ఆ రోజు అందరు దెయ్యాలు, భూతాలు, ఆత్మల గెటప్స్లోకి మారి సందడి చేస్తుంటారు. అక్కడి ఆచార వ్యవహారాలను మన వాళ్ళు కూడా పాటిస్తూ ఈ హాలోవీన్ డేని సరదాగా సెలబ్రేట్ చేసుకుంటున్నారు.
ముఖ్యంగా సెలబ్రిటీ ఫ్యామిలీస్ ఈ డేపై కొంత ప్రత్యేక శ్రద్ద పెడుతూ వస్తున్నారు. రీసెంట్ గా మెగా ఫ్యామిలీ మొత్తం హాలోవిన్ సందర్బంగా… దెయ్యాల్లా గెటప్ లు మార్చుకుని, ఆత్మల్లా సంచరిస్తూ అల్లరి చేసారు. చిరంజీవి సైతం ఈ హాలోవిన్ ఈవెంట్ లో పాల్గొన్నారు.
బాలీవుడ్ సెలబ్రిటీస్ కూడా ఈ ఫెస్టివల్ని జరుపుకున్నారు. సోహా అలీ ఖాన్ తన కూతురు ఇనాయాకి స్కెలిటన్ డ్రెస్ ధరింపజేసి ఆమె ఫోటోని షేర్ చేస్తూ హాలోవీన్ శుభాకాంక్షలు తెలిపింది. ఇక అర్పితా ఖాన్ తన కొడుకు అహిల్ క్యూట్ వీడియో షేర్ చేస్తూ హ్యాపీ హాలోవీన్ అని తెలిపింది. అలానే ట్వింకిల్ ఖన్నా స్కేరీ మాస్క్ ధరించి విషెస్ తెలిపింది. వీళ్లందరి దారిలోనే సురేఖా వాణి కూడా ప్రయాణం పెట్టుకుంది.