హిట్ లో ఉన్న దర్శకుడికి కానీ, హీరోకి కానీ ఉండే క్రేజే వేరు. అలాగే ఫ్లాఫ్ ఇస్తే అదే స్దాయిలో ఇబ్బందులు ఉంటాయి. ప్లాఫ్ ఇచ్చిన దర్శకుడుతో కానీ హీరోతో కానీ చెయ్యటానికు ఎవరూ ఉత్సాహం చూపించరు. ఇప్పుడు అదే పరిస్దితి శ్రీకాంత్ అడ్డాలది. మహేష్ తో బ్రహ్మోత్సవం వంటి బ్రహ్మాండమైన డిజాస్టర్ ఇచ్చాక ఇండస్ట్రీ ఆయనకు తలుపులు మూసేసింది. ఆయన ఎలాగైనా మళ్లీ తలుపులు తెరిచి హిట్ కొట్టాలని ఆ గుమ్మాల దగ్గరే వెయిట్ చేస్తున్నారు. అంటే హీరోల డేట్స్ కోసం వెయిటింగ్ అన్నమాట. గత కొద్దికాలంగా నాని డేట్స్ కోసం శ్రీకాంత్ అడ్డాల ఎదురుచూపుల్లో ఉన్నట్లు తెలుస్తోంది.
శర్వానంద్ కోసం తయారు చేసిన ఓ కథని ..కొద్ది పాటి మార్పులతో నాని దగ్గరకు పట్టుకొచ్చి వినిపించారని చెప్తున్నారు. అయితే నాని యస్ అనకపోయినా ..కథ నచ్చింది అని చెప్పటం శ్రీకాంత్ అడ్డాల కు ఎదురుచూసేలా చేస్తోందిట.
మరో ప్రక్క నాని వరస సినిమాలతో పెద్ద తెర, ‘బిగ్ బాస్ 2’తో చిన్ని తెర లపై రచ్చ రచ్చ చేస్తున్నారు. నాగార్జునతో కలిసి నాని నటించిన ‘దేవదాస్’ రిలీజ్ అయ్యింది. ఇలా ఈ చిత్రం రిలీజయ్యిందో లేదో మరో కొత్త చిత్రానికి ముహూర్తం ఖరారు చేశారు నాని. ఇప్పటికే సుమంత్ తో ‘మళ్ళీ రావా’ అంటూ హిట్ కొట్టిన గౌతమ్ తిన్ననూరి దర్శకత్వంలో ‘జెర్సీ’ అనే చిత్రంలో నటించను న్నారు. ఇప్పుడు శ్రీకాంత్ అడ్డాల దర్శకత్వంలో సినిమాకి గ్రీన్ సిగ్నల్ ఇవ్వాలనుకుంటున్నారట. అయితే టైం పడుతుందిట.
‘కొత్త బంగారులోకం’,‘సీతమ్మ వాకిట్లో సిరిమల్లె చెట్టు’, ‘ముకుంద’, ‘బ్రహ్మోత్సవం’ సినిమాలకు దర్శకత్వం వహించిన శ్రీకాంత్ అడ్డాల ఇప్పటికే
రెండేళ్లు గ్యాప్ తీసుకున్నారు. ఏదైమైనా ఒక వెలుగు వెలిగిన దర్శకుడుకు ఈ పరిస్దితి రావటం చిత్రమే కదా.
