కొన్ని వార్తలు వినగానే కొన్ని డౌట్స్ వస్తూంటాయి. అలాంటిదే నాని ..త్వరలో పోలీస్ ఆఫీసర్ గా కనపడబోతున్నారనే వార్తను. ప్రముఖ దర్శకుడు యేలేటి చంద్రశేఖర్ డైరక్షన్ లో రూపొందే చిత్రంలో నాని ..పోలీస్ అంటూ వెబ్ మీడియా హోరెత్తి పోతోంది. అందులో నిజమెంతో కానీ ..నాని ..పోలీస్ గా కనిపించటమంటే బాగుంటాడా అని సందేహం వ్యక్తం చేస్తున్నారు నెట్ జనులు. లైటర్ వీన్ కామెడీలు చేసి అదరకొట్టే నాని..ఓ సీరియస్ పోలీస్ అధికారిగా కేసులు సాల్వ్ చేయటం ఎంత వరకూ నచ్చుతుంది అంటున్నారు.
అయితే ఏమో యేలేటి ఏ మ్యాజిక్ అయినా చెయ్యచ్చు. గతంలో అనుకోకుండా ఒక రోజు సినిమాలో జగపతి బాబుని పోలీస్ గా సూపర్ గా చూపించలా ..అలాగే నాని ని కూడా ఓ డిఫెరెంట్ యాంగిల్ లో చూపించే అవకాసం ఉందంటున్నారు యేలేటి ఫ్యాన్స్. యేలేటి కూడా గత కొంతకాలంగా హిట్ కు దూరంగా ఉంటూ వస్తున్నారు. మనమంతా సినిమా అనుకున్న స్దాయిలో వర్కవుట్ కాలేదు.
దాంతో ఈ ప్రాజెక్ట్ ని ప్రెస్టేజియస్ గా తీసుకుని గత సంవత్సర కాలంగా స్క్రిప్టు చేస్తున్నారట. అనుకోకుండా ఒక రోజు స్దాయిలో చక్కటి థ్రిల్లింగ్
ఎలిమెంట్స్ ని ఈ సినిమాలో మిక్స్ చేస్తున్నట్లు చెప్తున్నారు. నాని కు కూడా ఓ కొత్త తరహా సినిమా చేసినట్లు ఉంటుంది కదా..అందుకునే ఒప్పుకుని ఉంటాడు. ఇక పోలీస్ గా ఆయన ఎలా ఉంటారో ఫస్ట్ లుక్ వచ్చాక ఎలాగో తెలుస్తుంది గా అప్పుడే రచ్చ ఎందుకు అంటారా ..ఓకే.