బయోపిక్ లంటే ఇప్పుడు ప్రేక్షకుల్లో క్రేజ్ వచ్చింది . హీరోలు కూడా బయోపిక్ లంటే ఇష్టం చూపెడుతున్నారు . తెలుగులో ఇప్పుడు ఆంధ్ర ప్రదేశ్ మాజీ ముఖ్య మంత్రులు డాక్టర్ వై ఎస్ రాజశేఖర్ రెడ్డి, నందమూరి తారక రామారావు జీవిత చరిత్రలు తెరమీద ఆవిష్కృతం కాబోతున్నాయి . ఆమధ్య అక్కినేని నాగేశ్వర రావు బయోపిక్ కూడా వస్తుందనే ప్రచారం జరిగింది . కానీ అక్కినేని కుటుంబం ఇష్ట పడక పోవడంతో మొదలు కాలేదు . సూపర్ స్టార్ కృష్ణ జీవిత చరిత్ర కూడా త్వరలో రావచ్చు అంటున్నారు . తమిళ నాడులో ఆ రాష్ట్ర మాజీ ముఖ్యమంత్రి జయలలిత జీవిత చరిత్ర
చిత్రంగా వస్తుంది . ఇక క్రీడాకారుల్లో పుల్లెల గోపీచంద్, పీవీ సింధు బయోపిక్ కూడా వచ్చే అవకాశం ఉందని అంటున్నారు .
రాంగోపాల్ వర్మ “లక్ష్మీస్ ఎన్టీఆర్ ” అనే బయోపిక్ తీస్తున్నానని ప్రకటించి దాన్ని అటక ఎక్కించాడు . కేతినేని జగదీశ్వర రెడ్డి అనే నిర్మాత “లక్ష్మీస్
వీరగ్రంధం ” అనే సినిమా ప్రకటించి కొంత షూటింగ్ కూడా చేశాడు . దీనిపై లక్ష్మి పార్వతి కోర్టుకు వెడతానని బెదిరించింది . జగదీశ్వర రెడ్డి లక్ష్మి పార్వతి నిజ స్వరూపం తెరపై చూపిస్తానని ఆమెకు సవాలు విసిరాడు . ఆ తరువాత ఈ చిత్రం షూటింగ్ లేదు , న్యూస్ లేదు . తెలుగుదేశం నాయకులూ ఈ సినిమాకు ఆర్ధికంగా సహాయ పడతారని జగదీశ్వర రెడ్డి ఆశించాడు . కానీ ఎవరు ముందుకు రాలేదు .కాబట్టి ఈ
సినిమా వచ్చే అవకావం లేదు.
ఇప్పుడు మరో హీరో కమ్ విలన్ జగపతి బాబు బయోపిక్ రాబోతుంది . అయితే ఇది పెద్ద స్క్రీన్ మీద కాదు . బుల్లి తెర మీద . విజయ దశమి నుంచి ఓ ప్రముఖ ఛానల్ లో ఇది ప్రసారం కాబోతుంది . చాలా కాలంగా జగపతి బాబు దీనిపై ద్రుష్టి పెట్టాడు.దీనికి “సముద్రం” అనే టైటిల్ నిర్ణయించినట్టు తెలిసింది . జగపతి బాబు ప్రముఖ నిర్మాత, దర్శకుడు వీరమాచనేని రాజేంద్ర ప్రసాద్ మూడవ కుమారుడు . 1989లో “సింహ స్వప్నం ” చిత్రంతో హీరోగా పరిచయం అయ్యాడు . హీరోగా 100 సినిమాల తరువాత 2014లో “లెజెండ్ ” చిత్రంతో దర్శకుడు బోయపాటి విలన్ గా పరిచయం చేశాడు . ఈ సినిమాలో బాలకృష్ణ హీరో .
అక్కడ నుంచి జగపతి బాబు ఇప్పటివరకు 30 సినిమాలకు పైగా నటించాడు . తెలుగుతో పాటు తమిళ, హిందీ రంగాల్లో కూడా నటిస్తున్నాడు . ఆధునిక ప్రతినాయకుడు పాత్రలకు జగపతి బాబు పెట్టింది పేరు . అంతేకాదు అత్యంత ఖరీదైన విలన్ కూడా జగపతి బాబే . తన సినిమా జీవితంలో ఎదురైన అనుభవాలు, అనుభూతులను బుల్లి తెర మీద చూపించబోతున్నారు . మితా హీరోల కన్నా జగపతి బాబు భిన్నమైన వాడు . హిపోక్రసీ లేకుండా మాట్లాడతాడు . అది ఆయన ప్లస్ , మైనస్ కూడా.!