నాగచైతన్యతో విడాకులు తర్వాత ఏదో ఒక కారణంతో సమంత నిత్యం వార్తల్లో నిలుస్తున్న సంగతి తెలిసిందే. కానీ, తెలుగు సినిమాలకు సమంత దూరమైపోతోందనీ, తెలుగులో ప్రత్యేకంగా కొత్త ప్రాజెక్టులేమీ ఓకే చేయడం లేదనీ, ఇంకేముంది.. టాలీవుడ్‌ని వదిలి వెళ్లిపోతుందనే నెగిటివ్ వార్తలు కూడా ఈ క్రమంలో గట్టిగానే వినిపించాయి.
కానీ, సడెన్‌గా సమంత అప్పియరెన్స్ ఈ గాలి వార్తలకు చెక్ పెట్టేసినట్లయ్యింది. దీపావళి సందర్భంగా మెగా కాంపౌండ్‌లో జరిగిన భారీ ఈవెంట్‌లో సమంత కూడా కనిపించి, అందరికీ షాకిచ్చింది. తన స్నేహితురాలు శిల్పారెడ్డితో కలిసి ఈ ఈవెంట్‌లో సమంత స్పెషల్ ఎట్రాక్షన్‌గా కనిపించింది.
కాగా, ఈ ఈవెంట్‌లో మరో స్పెషల్ అట్రాక్షన్.. తేజు. యాక్సిడెంట్ కారణంగా దాదాపు రెండు నెలలుగా కనిపించని తేజు, ఈ ఈవెంట్‌లో పూర్తి ఆరోగ్యవంతుడిగా నవ్వులు చిందిస్తూ కనిపించడం ఫ్యాన్స్‌ని సంతోషపెట్టింది. అలాగే, పవర్ స్టార్ పవన్ కళ్యాణ్ తనయుడు అకీరానందన్ కూడా ఈ ఈవెంట్‌లో స్పెషల్ అట్రాక్షన్ అని చెప్పాలి.
ఈ తాజా ఈవెంట్‌కి సంబంధించిన ఫోటోలు నెట్టింట భీభత్సంగా వైరల్ అవుతున్నాయి. మెగా ఫ్యామిలీ హీరోలంతా ఒకే ఫ్రేమ్‌లో కనిపిస్తున్న ఈ ఫోటోలను తనివి తీరా చూసుకుంటూ, మెగా ఫ్యాన్స్ ఫుల్ ఖుషీ అవుతున్నారు.