RRR : ఇప్పుడు మన ఇండియన్ సినిమా నుంచి రాబోతున్న భారీ సినిమాల్లో మెగాపవర్ స్టార్ రామ్ చరణ్ మరియు యంగ్ టైగర్ ఎన్టీఆర్ లతో దర్శక దిగ్గజం ఎస్ ఎస్ రాజమౌళి తెరకెక్కించిన సినిమా ట్రిపుల్ ఆర్(RRR) పై నెలకొన్న అంచనాలు అన్నీ ఇన్ని కావు. మరి ఆ అంచనాలను మ్యాచ్ చేస్తూ చిత్ర బృందం ఇప్పుడు పెద్ద ఎత్తున ప్రమోషన్స్ ని చేస్తున్నారు.
మన దేశంలో ఎలాగో ఈ సినిమాకి భారీ క్రేజ్ ఉంది. కానీ ఓవర్సీస్ లో కూడా ఏ లెవెల్ క్రేజ్ ఉందో ఇప్పుడు నిరూపితం అయ్యింది. ఇప్పటి వరకు ఏ ఇండియన్ సినిమాకి కూడా జరగని ప్రీ సేల్స్ ఈ సినిమా కి జరిగాయి. ఇంకా సినిమా రిలీజ్ కి రెండు వారాల సమయం ఉండగానే ఈ సినిమాకి అక్కడ ఏకంగా 1 మిలియన్ డాలర్స్ బుకింగ్స్ వచ్చి పడ్డాయి.
దీనిని బట్టి ఈ సినిమా కోసం అక్కడ ఆడియెన్స్ ఏ రేంజ్ లో ఎదురు చూస్తున్నారో మనం అర్ధం చేసుకోవాలి. ఆల్రెడీ ఓవర్సీస్ మార్కెట్ లో ఈ సినిమాకి పెద్ద టార్గెట్ నే ఉంది. ఇక ఈ రేంజ్ బుకింగ్స్ నమోదు అవుతుంటే ఆ టార్గెట్ ని ట్రిపుల్ ఆర్ ఈజీగా బ్రేక్ చెయ్యడం పక్కా అని చెప్పొచ్చు. ఇక ఈ సినిమాలో అజయ్ దేవగన్, అలియా భట్, సముద్రఖని శ్రేయ తదితరులు కీలక పాత్రల్లో నటించగా ఎం ఎం కీరవాణి సంగీతం అందించారు.