మెగాస్టార్ చిరంజీవి ఇప్పుడు దర్శకుడు మోహన్ రాజా తో ఓ భారీ రీమేక్ చిత్రం ”గాడ్ ఫాథర్” చిత్రం తో బిజీగా ఉన్న సంగతి అందరికీ తెలిసిందే. అలాగే ఈ సినిమాతో పాటుగా ఇంకో రీమేక్ సినిమా “భోళా శంకర్” దర్శకుడు మెహర్ రమేష్ తో చేస్తున్నారు. అయితే ఈ రెండు కాకుండా మెగా ఫాన్స్ చాలా స్పెషల్ గా ఫీల్ అవుతున్న సినిమా అయితే ఇంకొకటి ఉంది.
అదే దర్శకుడు బాబీ తో ప్లాన్ చేస్తున్న భారీ సినిమా. మరి ఇప్పుడు ఈ సినిమాపైనే ఇండస్ట్రీలో మరో ఇంట్రెస్టింగ్ బజ్ వినిపిస్తుంది. దాని ప్రకారం ఈ చిత్రంలో మెగాస్టార్ మళ్ళీ పాత కాలంలో మాస్ చిరుని ఎలా అయితే చూసామో ఈ సినిమాలో కూడా అలా కనిపించనున్నాడట. తన పాత్ర డెఫినెట్ గా మాసివ్ లెవెల్లో కొత్తగా ప్రెజెంట్ చెయ్యబోతున్నారని తెలుస్తుంది. దీనితో పాటుగా ఈ చిత్రానికి ‘వాల్తేర్ వీర్రాజు’ అనే టైటిల్ నే ఫిక్స్ చేసారని మరో టాక్ కూడా వినిపిస్తుంది.