ఒకప్పటి హాస్య నటుడు రమణారెడ్డి భార్య సుదర్శనమ్మ గురువారం నాడు చెన్నైలో మృతి చెందారు. ఆమె వయసు 93 సంవత్సరాలు. గత కొంతకాలంగా ఆమె అనారోగ్యంతో బాధపడుతున్నారు . నిన్న ఆమె చెన్నైలోని స్వగృహంలో మృతి చెందినట్టు కుటుంబ సభ్యులు ప్రకటించారు . .వృద్ధాప్య సమస్యలతో బాధపడుతున్న ఆమె నెల రోజుల క్రితం ఆసుపత్రిలో చేరారు. చికిత్స అనంతరం సుదర్శనమ్మ ఇంటికివచ్చారు .
ఇంట్లోనే ఆమెకు అక్కడే చికిత్స అందిస్తున్నారు. గురువారం సాయంత్రం పరిస్థితి విషమించడంతో తుదిశ్వాస విడిచారు. తెలుగు సినిమాలో రమణా రెడ్డిది చెరిగిపోలేని ముద్ర , హాస్య నటుడుగా , క్యారెక్టర్ పాత్రధారిగా రమణారెడ్డి బహుముఖాలుగా ఎదిగారు . అక్టోబర్ 1, 1921లో తిక్కవరపు రమణా రెడ్డి నెల్లూరులోని జగదేవిపేటలో జన్మించారు . 1951లో దీక్ష సినిమాతో తెలుగు సినిమా రంగంలో ప్రవేశించారు . 1975లో వచ్చిన చీకటి వెలుగులు ఆయన చివరి సినిమా . 1974 నవంబర్ 11న రమణారెడ్డి చనిపోయారు . అప్పటి నుంచి ఆయన జ్ఞాపకాల్లో బతికినా సుదర్శనమ్మ
నిన్న మరణించారు