(సూర్యం)
‘యంగ్టైగర్’ ఎన్టీఆర్ హీరోగా నటిస్తున్న చిత్రం ‘అరవింద సమేత వీర రాఘవ’. మాటల మాంత్రికుడు త్రివిక్రమ్ శ్రీనివాస్ ఈ చిత్రానికి దర్శకత్వం
వహిస్తున్నారు. పూజా హెగ్డే హీరోయిన్ గా నటిస్తున్నారు. ఎప్పటిలాగే గ్రాండ్గా ఆడియో లాంచ్ వేడుకను నిర్వహించి పాటలు విడుదల చేయకుండా నేరుగా ఆన్లైన్లోనే విడుదల చేస్తున్నారు. అయితే పాటలు రేసీగా లేవని, గత ఎన్టీఆర్ చిత్రాల పాటల స్దాయిలో లేవని, చాలా సెంటిమెంట్ ,ఎమోషన్ ని మోసుకుని వచ్చాయని రకరకాల కామెంట్స్ వినపడ్డాయి.
ఈ నేపధ్యంలో ఎవరూ ఊహించని విధంగా ఫైట్ సీన్ లీకైంది. ఒక్కసారిగా హైప్ క్రియేట్ అయ్యింది. చప్పబడింది అనుకున్నది లేచింది. దాంతో కొందరు సోషల్ మీడియాలో … ఈ లీక్ కావాలనే చేసారని, పాటలతో డల్ అయ్యిన దాన్ని మర్చిపోవటానికి హైప్ తేవటానికి ఇలా లీక్ చేసారని పోస్ట్ లు పెడుతున్నారు. అయితే సహజంగానే ఎన్టీఆర్ అభిమానులు వాటిని ఖండిస్తున్నారు. తమకు అలాంటి చీప్ ట్రిక్స్ ప్లే చెయ్యాల్సిన అవసరం లేదని అంటున్నారు. నిజమే…ఎన్టీఆర్,త్రివిక్రమ్ కాంబినేషన్ అంటే మాటలా…పబ్లిసిటీ కోసం ఏ ట్రిక్స్ ప్లే చెయ్యాల్సిన అవసరం లేదు.
ఇక ఇప్పటికే విడుదల చేసిన చిత్ర టీజర్కు మంచి రెస్పాన్స్ లభిస్తోంది. హారిక, హాసిని క్రియేషన్స్ పతాకంపై ఎస్.రాధాకృష్ణ(చినబాబు) ఈ సినిమాను నిర్మిస్తున్నారు. జగపతిబాబు, సునీల్, నాగబాబు తదితరులు కీలక పాత్రలు పోషిస్తున్నారు. తారక్.. వీరరాఘవరెడ్డి అనే పాత్రలో చిత్తూరు కుర్రాడిగా, చిత్తూరు యాసలో మాట్లాడతారు. శరవేగంగా చిత్రీకరణ జరుపుకొంటున్న ఈ సినిమాను దసరా కానుగా విడుదల చేసేందుకు సన్నాహాలు చేస్తున్నారు.