యంగ్ టైగర్ ఎన్టీఆర్ – మాటల మాంత్రికుడు త్రివిక్రమ్ కాంబినేషన్ లో తెరకెక్కిన చిత్రం అరవింద సమేత. ఇంతకు ముందు ఎన్నడు లేని విధంగా భారీ అంచనాలతో ఈ చిత్రం ఈ రోజు విడుదల అయ్యింది. ట్రైలర్స్, టీజర్స్ తో ఇప్పటికే త్రివిక్రమ్ ఎలాగైనా హిట్ కొట్టి మళ్ళీ ఫామ్ లోకి రావాలని మంచి కసి మీద సినిమాను తెరకెక్కించినట్లు అర్దమైపోయింది . అది నిజమే అని సినిమా చూస్తూంటే అర్దమవుతోంది. అలాగే పాటలు సినిమాకు ప్లస్ అయ్యాయి.
సునీల్ నేరేషన్ తో ప్రారంభం అయ్యే ఈ సినిమా నరసప్ప రెడ్డి, బసిరెడ్డి అనే రెండు ఫ్యాక్షన్ గ్రూప్ ల మధ్య గొడవలని ఎస్టాబ్లిష్ చేస్తుంది. ఆ తర్వాత
ఎన్టీఆర్ తండ్రిని చంపటానికి వచ్చినప్పుడు హై వోల్టేజ్ యాక్షన్ సీక్వెన్స్ ఉంటుంది. తర్వాత మెల్లిగా మిగతా కథలోకి వెళ్తోంది.
టాక్ విషయానికి వస్తే… ఫస్టాఫ్ చాలా డీసెంట్ గా ఉంది. మంచి స్టోరీ లైన్ తో ఈ సినిమా నడిచింది. సినిమా ప్రారంభం ఇరవై నిముషాలు అయితే కేక పెట్టించింది. అక్కడ నుంచి ఇంట్రవెల్ ఫైట్ దాకా యావరేజ్ అనిపించింది. అయితే ఇంట్రవెల్ ఫైట్ తో ఒక్కసారిగా లేచింది. ఎన్టీఆర్ చాలా అద్బుతమైన ఫెరఫార్మెన్స్ తో పాత్రకు జీవం పోసాడు. ముఖ్యంగా ఎమోషన్స్ ని కంట్రోలు చేస్తూ నటించటం ఎన్టీఆర్ కే సాధ్యం అనిపించాడు.
త్రివిక్రమ్ మార్క్ డైలాగులు ఎప్పటిలాగే టప్పట్లు కొట్టించాయి. అయితే ఎంటర్ట్మెంట్ మాత్రం త్రివిక్రమ్ స్టాండర్డ్స్ లో లేదు. అంటే ఈ సినిమాకు
నప్పదని కావాలనే తగ్గించారని అర్దమవుతోంది. బసిరెడ్డిగా జగపతిబాబు టెర్రిఫైయింగ్ ఫెరఫార్మెన్స్ ఇచ్చాడు. సునీల్ ..నీలాంబరి పాత్రలో పాత రోజులను గుర్తు చేసాడు. ఎన్టీఆర్ కొత్త తరహా మాడ్యూలేషన్ తో దుమ్ము రేపాడు. ఏదైమైనా ఎన్టీఆర్ నుంచి ఇది కొత్త తరహా సినిమా. ఆయనకు ఓ సూపర్ హిట్ పడినట్లే.
