యంగ్ రెబల్ స్టార్ ప్రభాస్ హీరోగా కృతి సనన్ హీరోయిన్ గా నటిస్తున్న భారీ చిత్రం “ఆదిపురుష్”. బాలీవుడ్ స్టార్ దర్శకుడు ఓం రౌత్ తెరకెక్కిస్తున్న ఈ రామాయణ ఇతిహాస గాథ షూటింగ్ చివరి దశలోకి వచ్చేసింది. అయితే ఈ చిత్రం ఇక ఈ అక్టోబర్ మూడో వారంతో కంప్లీట్ అయ్యిపోనుండగా ఈ సినిమాలో ప్రభాస్ కి విలన్ గా రావణ్ పాత్రలో నటిస్తున్న బాలీవుడ్ స్టార్ నటుడు సైఫ్ అలీఖాన్ తన రోల్ మొత్తంని కంప్లీట్ చేసేసినట్టుగా తెలిపారు.
ఈ చిత్రంలో సైఫ్ చేసిన రావణుని పాత్ర చాలా కొత్తగా కనిపిస్తుంది అని అలాగే కొత్త కోణాలు కూడా దర్శకుడు చూపిస్తాడని తెలిసిందే. ఇంకా ఇంట్రెస్టింగ్ అంశం ఏమిటంటే సైఫ్ చాలా భారీ కాయంతో 8 అడుగులు అలా ఉంటుందని తెలుస్తుంది. ఇక ప్రభాస్ చేస్తున్న రాముని పాత్ర ఎలా ఉంటుందో మనం అర్ధం చేసుకోవచ్చు. అలాగే మేకర్స్ ఈ చిత్రాన్ని వచ్చే ఏడాది ఆగష్టు 11 కే రిలీజ్ చేస్తున్నట్టు మరోసారి కన్ఫర్మేషన్ ఇచ్చారు.