Hombale Films: కేజీఎఫ్ చాప్టర్ 1, కేజీఎఫ్ చాప్టర్ 2, కాంతార, కాంతార చాప్టర్ 1, సలార్, మహావతార్ నరసింహ వంటి ల్యాండ్మార్క్ బ్లాక్బస్టర్లతో భారతీయ సినిమాను రీడిఫైన్ చేసిన తర్వాత హోంబాలే ఫిల్మ్స్ ఓవర్సీస్ డిస్ట్రిబ్యూషన్లోకి అధికారికంగా ప్రవేశించినట్లు ప్రకటించింది.
ఇది సంస్థ ప్రయాణంలో ఒక కీలక అధ్యాయం. భారతీయ సినిమాను ప్రపంచవ్యాప్తంగా మరింత విస్తృత ప్రేక్షకులకు చేరవేయాలనే స్పష్టమైన లక్ష్యంతో ఈ నిర్ణయం తీసుకుంది. భాషలు, సంస్కృతులను దాటి ప్రేక్షకుల హృదయాలను తాకే భారీ చిత్రాలను నిర్మించిన అనుభవంతో, ఇప్పుడు హోంబలే ఫిల్మ్స్ అంతర్జాతీయ స్థాయిలో డిస్ట్రిబ్యూషన్ నెట్వర్క్ను నిర్మించాలనే లక్ష్యంతో ముందుకు సాగుతోంది.
ఈ ప్రయత్నం హోంబలే ఫిల్మ్స్ నిర్మించిన సినిమాలకు మాత్రమే పరిమితం కాదని సంస్థ స్పష్టం చేసింది. భారతదేశంలోని ఇతర దర్శకులు, నిర్మాణ సంస్థలతో కలిసి పనిచేసి, విభిన్నమైన భారతీయ కథలను ప్రపంచవ్యాప్తంగా ఉన్న ప్రేక్షకులకు చేరవేయాలని లక్ష్యంగా పెట్టుకుంది.
ఓవర్సీస్ డిస్ట్రిబ్యూషన్లోకి అడుగుపెట్టడం ద్వారా, భారతీయ సినిమాకు గ్లోబల్ స్థాయిలో మరింత గుర్తింపు తీసుకురావాలనే తన విజన్ ను హోంబలే ఫిల్మ్స్ మరింత బలోపేతం చేస్తోంది. ప్రపంచంలోని ప్రతి మూలలో ఉన్న ప్రేక్షకులకు భారతీయ కథలను మరింత చేరువ చేయడమే ఈ కొత్త అడుగు వెనుక ఉన్న ప్రధాన ఉద్దేశ్యం.
