ఇప్పుడు హీరోలంతా తమ శరీరంపై కాన్సర్టేట్ చేస్తున్నారు. గతంలోలాగ పెద్ద పెద్ద పొట్టలతో నటిస్తానంటే కుదరని పరిస్దితి. దాంతో సిక్స్ ప్యాక్ లు, ఎయిట్ ప్యాక్ లతో హీరోలు దుమ్ము రేపుతున్నారు. ఇన్నాళ్లూ బాలీవుడ్ కే సొంతమైన ఈ కల్చర్ ఇప్పుడు టాలీవుడ్ కు పాకింది. మన తెలుగు హీరోలు సైతం రండి ..మా కండలు చూడండి అంటూ సోషల్ మీడియాలో హల్ చల్ చేస్తున్నారు. తాజాగా ఈ లిస్ట్ లోకి హీరో రామ్ చేరారు.
పూరి జగన్నాథ్‌ దర్శకత్వంలో తెరకెక్కుతున్న తాజా చిత్రం ఇస్మార్ట్ శంకర్‌. ఎనర్జిటిక్‌ రామ్ హీరోగా తెరకెక్కుతున్న ఈ సినిమాలో నిధి అగర్వాల్‌, నభా నటేష్‌లు హీరోయిన్లుగా నటిస్తున్నారు. ప్రస్తుతం నిర్మాణ కార్యక్రమాలు జరుపుకుంటున్న ఈ సినిమా కోసం రామ్ కండలు పెంచే పనిలో ఉన్నాడు. ఈ విషయాన్ని రామ్ తన సోషల్ మీడియా పేజ్‌ ద్వారా అభిమానులతో పంచుకున్నాడు.
#Rapo2.0 loading… #ismartshankar pic.twitter.com/emTDcIpGU2
— RAm POthineni (@ramsayz) March 13, 2019
జిమ్‌లో కసరత్తులు చేస్తున్న ఫోటోలను ట్విటర్‌ పేజ్‌లో పోస్ట్ చేసిన వర్మ రామ్ పోతినేని 2.0 లోడింగ్‌ అంటూ కామెంట్ చేశాడు. పూరి కనెక్ట్స్ బ్యానర్‌పై పూరి జగన్నాధ్‌, చార్మీలు ఈ సినిమాను నిర్మిస్తున్నారు. మాస్‌ యాక్షన్ ఎంటర్‌టైనర్‌గా తెరకెక్కతున్న ఈ సినిమాకు మణిశర్మ సంగీతమందిస్తున్నారు.