రౌడీ హీరో విజయ్ దేవరకొండ పూరి జగన్నాథ్ దర్శకత్వంలో మొదటిసారిగా లైగర్ అనే సినిమా ద్వారా పాన్ ఇండియా స్థాయిలో ప్రేక్షకుల ముందుకు రాబోతున్నారు. ఈ సినిమా ఆగస్టు 25వ తేదీ విడుదల కావడంతో పెద్ద ఎత్తున సినిమా ప్రమోషన్ నిర్వహిస్తున్నారు.ఇక ఈ సినిమా ఇటు విజయ్ దేవరకొండకు అటు పూరి జగన్నాథ్ కు ఇద్దరికీ మొట్టమొదటి భారీ బడ్జెట్ సినిమా కావడం విశేషం.ఇకపోతే ఈ సినిమా కోసం విజయ్ దేవరకొండ సుమారుగా 35 కోట్ల వరకు రెమ్యూనరేషన్ తీసుకున్నారని వార్తలు వినపడుతున్నాయి.
ఇలా విజయ్ కెరియర్ లోనే అత్యధిక రెమ్యూనరేషన్ తీసుకున్నప్పటికీ ఈ సినిమా షూటింగ్ సమయంలో బడ్జెట్ సమస్యలు తలెత్తడంతో విజయ్ దేవరకొండ కేవలం 7 కోట్ల రూపాయల రెమ్యూనరేషన్ మాత్రమే తీసుకొని మిగిలినది మొత్తం సినిమా కోసం ఖర్చు చేయమని తిరిగి వెనక్కి ఇచ్చారట. ఇలా సినిమా కోసం తన రెమ్యూనరేషన్ ఇవ్వడమే కాకుండా సినిమా హిట్ అయ్యి లాభాలు వచ్చినప్పుడు మిగిలిన రెమ్యూనరేషన్ తీసుకుంటానని చెప్పారట.
ఈ విధంగా సినిమా కోసం విజయ్ దేవరకొండ రెమ్యూనరేషన్ వెనక్కి ఇవ్వడం అందరిని ఎంతో ఆశ్చర్యానికి గురిచేస్తుంది. అదేవిధంగా ఈయన వ్యవహార శైలిపై అందరూ ప్రశంసలు కురిపిస్తున్నారు. ఇకపోతే ఈ సినిమా మంచి లాభాలను అందుకుంటేనే విజయ్ దేవరకొండకు మిగిలిన రెమ్యూనరేషన్ వెనక్కి వస్తుంది లేదంటే ఈయన సుమారుగా 20 కోట్లకు పైగా నష్టపోవాల్సి ఉంటుందని తెలుస్తోంది. అయితే ఈ సినిమాపై ఇప్పటికే భారీ అంచనాలు ఏర్పడటమే కాకుండా ఈ సినిమా విడుదలకు ముందే భారీగా బిజినెస్ జరుపుకోవడంతో ఈ సినిమా పక్కా హిట్ అవుతుందని భావిస్తున్నారు. మరి ఈ సినిమా ఎలా ప్రేక్షకులను సందడి చేస్తుందో తెలియాల్సి ఉంది.