Bookie Movie: అజయ్ దిషన్, ధనుషా హీరో హీరోయిన్స్ గా గణేష్ చంద్ర దర్శకత్వంలో రూపొందిన యూత్ ఫుల్ ఎంటర్టైనర్ ‘బూకి’. విజయ్ ఆంటోనీ సమర్పణలో శరవంత్ రామ్ క్రియేషన్స్ బ్యానర్స్ పై రామాంజనేయులు జవ్వాజీ నిర్మించారు. సునీల్, లక్ష్మి మంచు కీలక పాత్రలు పోషిస్తున్నారు. ఇప్పటికే తమిల్ లో విడుదలైన ఈ చిత్రం బ్లాక్ బస్టర్ రెస్పాన్స్ ని అందుకుంది. తెలుగులో ఈ సినిమా ఫిబ్రవరి 20న గ్రాండ్ గా రిలీజ్ కానుంది. ఈ సందర్భంగా నిర్మాత రామాంజనేయులు జవ్వాజీ విలేకరుల సమావేశంలో సినిమా విశేషాలు పంచుకున్నారు.
ఈ సినిమా ఎలా ఉండబోతుంది?
-ప్రతి లవ్ స్టోరీ లో కథ ప్రేమతోనే మొదలవుతుంది. కానీ ఈ కథ మాత్రం బ్రేకప్ తో మొదలవుతుంది. బ్రేకప్ తర్వాత ఇప్పటి టీనేజర్స్ ఎలా సఫర్ అవుతున్నారు? ఎలాంటి డిప్రెషన్ కి వెళ్తున్నారు? ఆ బాధను ఎలా హ్యాండిల్ చేస్తున్నారు? అనేది ఈ సినిమాలో ఆసక్తికరంగా చూపించడం జరిగింది. పేరెంట్స్ కి కూడా ఇది చాలా మంచి మెసేజ్ లాగా ఉంటుంది. ఇప్పుడు జనరేషన్ ఎంత స్పీడ్ గా ప్రేమలో కి వెళ్తున్నారో అంత స్పీడ్ గా విడిపోతున్నారు. అప్పుడు ఎదురయ్యే బాధ ఎలా ఉంటుంది? వాళ్ళని సరిగ్గా గమనించి మళ్లీ రైట్ ట్రాక్ లోకి ఎలా తీసుకురావాలనేది చాలా ఇంట్రెస్టింగ్ గా ఈ సినిమాలో చూపించడం జరిగింది.
తమిళ్ లో ఎలాంటి రెస్పాన్స్ వచ్చింది?
-13న ఈ సినిమా తమిళ్లో రిలీజ్ చాలా అద్భుతంగా అద్భుతంగా వెళుతుంది. నిర్మాతలుగా చాలా హ్యాపీగా ఉన్నాం. సురేష్ ప్రొడక్షన్స్ ద్వారా తెలుగులో రిలీజ్ కావడం చాలా అనందంగా వుంది. దాదాపు 200కు పైగా స్క్రీన్స్ లో ఈ సినిమా రిలీజ్ కాబోతోంది.
విజయ్ ఆంటోనీ గారితో అసోసియేషన్ గురించి?
-2012లో నేను తమిళ్ లో బ్యాక్ టు బ్యాక్ డిస్ట్రిబ్యూషన్ చేస్తుండే వాడిని. ఆయన మ్యూజిక్ డైరెక్టర్ గా ఉండే సమయం నుంచి నాకు పరిచయం. ఫస్ట్ హీరోగా చేస్తున్నప్పుడు మా ఆఫీస్ కి వచ్చి హీరోగా పరిచయం అవుతున్నానని చెప్పారు. వారి ఫస్ట్ సినిమా కూడా మేము తెలుగులో రిలీజ్ చేయడం జరిగింది. ఆయనతో మళ్లీ రీకనెక్ట్ అయి మంచి సినిమాలు చేయాలని ప్లాన్ చేసాము. మార్గాన్, భద్రకాళి సినిమాలు చేశాం. ఇప్పుడు బూకి వస్తుంది. అలాగే వందదేవుళ్ళు సినిమా చేస్తున్నాము. అది కూడా మేలో రిలీజ్ అయ్యే అవకాశాలు ఉన్నాయి.
అజయ్ దిషన్ గురించి?
-అజయ్ అద్భుతంగా నటించాడు. అలాగే హీరోయిన్ ధనుషా కూడా తమిళనాడులో సోషల్ మీడియాలో చాలా పాపులర్. తనను కూడా చాలా ఆకట్టుకుంటుంది. డైరెక్టర్ డీవోపీ కావడంతో సినిమా చాలా అద్భుతంగా వచ్చింది. విజయ్ ఆంటోనీ గారి మ్యూజిక్ కూడా ఈ సినిమాకి చాలా పెద్ద ఎసెట్. ఈ నలుగురు ఈ సినిమాకి నాలుగు పిల్లర్స్.
-విజయ్ అంటోని గారు బ్యాగ్రౌండ్ స్కోరు సాంగ్స్ అద్భుతంగా ఉంటాయి. క్లైమాక్స్ చూసిన తర్వాత ప్రతి ఒక్కరూ కంటతడి పెట్టుకుంటారు. సీన్స్ అన్ని అంత అద్భుతంగా వచ్చాయి.
-ఈ సినిమాలో విజయ్ ఆంటోని గారు ఒక ఇంపార్టెంట్ క్యారెక్టర్ లో కనిపిస్తారు.
-ఈ సినిమాని బైలింగ్వల్ తీశాము. తెలుగు సపోర్టింగ్ క్యారెక్టర్స్ లో మంచు లక్ష్మి గారు, అలాగే సునీల్ గారి పాత్రలో ప్రేక్షకుల్ని ఆకట్టుకుంటాయి. సునీల్ గారి పాత్ర పవర్ ఫుల్ గా వుంటుంది. మంచు లక్ష్మి గారు డాక్టర్ గా కనిపిస్తారు. ఆ పాత్ర యూత్ కి బాగా కనెక్ట్ అవుతుంది. ఈ రెండు క్యారెక్టర్ సినిమా త్రూ అవుట్ వుంటాయి.
డైరెక్ట్ గా తెలుగులో సినిమాలు చేయాలని ఆలోచన ఉందా?
-నాకు నేరుగా పెద్ద తెలుగు సినిమాలు చేయాలని ఉంది. కానీ దానికి100% టైం కేటాయించాలి. నేను పలు బిజినెస్ లో ఉన్నాను. మా ఫ్యామిలీ చెన్నైలో సెటిల్ అయింది. ఇప్పటికిప్పుడే హైదరాబాద్ షిఫ్ట్ అవ్వడం కుదరదు. నెక్స్ట్ జనరేషన్ నా బిజినెస్ బాధ్యతలు తీసుకుంటే నేను 100% తెలుగులో పెద్ద బడ్జెట్, పెద్ద హీరోలతో సినిమాలు చేయాలనే ఆలోచనతోనే ఉన్నాను.
మీ బ్యానర్ లో వస్తున్న కొత్త ప్రాజెక్టుల గురించి?
-సత్య దేవ్ గారితో ఒక సినిమా పూర్తయింది. అది తొందరలోనే రిలీజ్ చేస్తాం. అలాగే 100 దేవుళ్ళు సినిమా మేలో రిలీజ్ చేయడానికి ప్లాన్ చేస్తున్నాం. ఇంకో కథ చర్చల్లో ఉంది.
