మనలో చాలామంది వేర్వేరు ఆయిల్స్ ను ఎన్నో అవసరాల కోసం ఉపయోగిస్తూ ఉంటారు. అయితే కొన్ని రకాల ఆయిల్స్ వల్ల లాభం కంటే నష్టం ఎక్కువగా కలుగుతుందని చెప్పవచ్చు. అలాంటి ఆయిల్స్ లో సోయాబీన్ ఆయిల్ కూడా ఒకటి. ఈ ఆయిల్ ను వంట కోసం ఎక్కువగా ఉపయోగిస్తారు. ఇతర నూనెలతో పోల్చి చూస్తే ఈ ఆయిల్ వంట చేసుకోవడానికి మంచిదని ఫీలవుతూ ఉంటారు.
అయితే ఈ నూనె వల్ల కొన్ని ఆరోగ్య ప్రయోజనాలు పొందే అవకాశం ఉన్నప్పటికీ ఈ ఒక్క నూనెను మాత్రమే వాడితే కొన్ని ఆరోగ్య సమస్యలు తలెత్తే అవకాశాలు అయితే ఉంటాయి. ఒమేగా 6 ఫ్యాటీ యాసిడ్స్ ఈ ఆయిల్ లో ఎక్కువగా ఉంటాయని చెప్పవచ్చు. గుండె ఆరోగ్యాన్ని దెబ్బ తీయడంలో ఇవి సహయపడతాయి. ఈ నూనెను ఎక్కువగా వాడితే హార్మోన్ల అసమతుల్యత జరిగే ఛాన్స్ ఉంటుంది.
ఫైటో ఈస్ట్రోజన్స్ ఈ ఆయిల్ లో ఎక్కువగా ఉంటాయి. ఈ ఆయిల్ ను ఎక్కువగా ఉపయోగించడం ద్వారా ఇన్సులెన్స్ రెసిస్టెన్స్ పెరగడంతో పాటు ఊబకాయం వచ్చే అవకాశాలు ఉంటాయి. ఈ ఆయిల్ ను ఎక్కువగా ఉపయోగిస్తే నాన్ ఆల్కహాలిక్ ఫ్యాటీ లివర్ సమస్య బారిన కూడా పడే ఛాన్స్ ఎక్కువగా ఉంటుంది. ఈ నూనెలోని కొన్ని సమ్మేళనాలు బ్రెయిన్ హెల్త్ ను దెబ్బ తీస్తాయి.
ఇవి మెమొరీ పవర్ పై ప్రభావం చూపే ఛాన్స్ కూడా ఎక్కువగా ఉంటుందని చెప్పవచ్చు. ఈ నూనె ఎక్కువగా వాడటం వల్ల శరీరంలో ఇన్ ఫ్లమేషన్ పెరిగి దీర్ఘకాలిక వ్యాధులు వేధించే ఛాన్స్ ఉంటుంది. సోయాబీన్ ఆయిల్ ను తరచూ వాడే వాళ్లు ఈ విషయాలను కచ్చితంగా గుర్తుంచుకుంటే మంచిది.