Almond Milk: బాదంపప్పు ఆరోగ్యానికి చాలా మంచిది. ఇది తెలిసిన విషయమే. కానీ.. బాదంపాలు కూడా ఎంతో ఆరోగ్య ప్రయోజనాలు ఉన్నాయి. ఇందులో పోషకాలు ఎక్కువగా ఉంటాయి. తక్కువ కేలరీలు ఉంటాయి. దీంతో బాదంపాలు ఎక్కువగా తీసుకుంటున్నారు. బాదంలో కాల్షియం, మాంగనీస్, విటమిన్ కె, విటమిన్ ఇ, మెగ్నీషియం, ప్రోటీన్, జింక్, రాగి శరీరానికి మేలు చేస్తాయి. ఇవన్నీ ఆరోగ్యాన్ని ఇవ్వడమే కాదు.. చర్మం మృదువుగా ఉండేందుకు.. జుట్టు ఒత్తుగా పెరిగేందుకు దోహదపడుతుంది. ఆవు, గేదె పాలు తాగడంలో సమస్య ఉంటే బాదం పాలు తీసుకోవడం ఉత్తమం. దీన్ని ఇంట్లోనే తయారు చేసుకోవాలి.
ఒక గ్లాసు నీటిలో నానబెట్టిన బాదంపప్పులను వేసి గ్రైండర్లో కలపాలి. ఇవి మామూలు పాలలానే కనిపిస్తాయి. ఆవు పాలతో పోలిస్తే వీటిలో 80 శాతం కేలరీలు తక్కువగా ఉంటాయి. తక్కువ కొవ్వు ఉన్న ఆహారం తీసుకోవాలని భావించేవారు ఈ పాలను తీసుకోవచ్చు. డయాబెటిస్‌తో బాధపడేవారు మామూలు పాలను బదులు బాదం పాలను తీసుకోవడం ఉత్తమం. ఇందులో చక్కెర శాతం కూడా చాలా తక్కువగా ఉంటుంది. ఫైబర్ పుష్కలంగా ఉంటుంది. ఔన్స్ బాదం పాలు ‘విటమిన్ ఇ’ని 20-50 శాతం వరకు సరఫరా చేస్తుంది. విటమిన్ ఇ ఎక్కువగా ఉండటంతో మంచి యాంటీ ఆక్సిడెంట్‌గా పనిచేస్తుంది. మనలోని ఒత్తిడి, మంటను తొలగిస్తుంది.
బాదంలో కాల్షియం ఎక్కువగా ఉంటుంది. ఒక కప్పు బాదం పాలలో 20-45 శాతం కాల్షియం సరఫరా చేస్తుంది, ఇది గుండె, ఎముకలు, నరాలు పనిచేయడంలో సహాయపడుతుంది. గుండె పనితీరు, ఎముకల పటిష్టత, రోగనిరోధక శక్తిని పెంచేందుకు శరీరానికి విటమిన్ డి అవసరం. ఇది ఎక్కువగా సూర్యరశ్మి నుంచి లభిస్తుంది. బాదం పాల నుంచి కూడా డి విటమిన్ పొందొచ్చు. బాదంపాలను ఇంట్లోనే సులభంగా తయారు చేసుకొని తాగొచ్చు. పురుషులకు బాదం పాలు చాలా మంచివి. ఇందులోని జింక్, ఇతర ప్రోటీన్లు వారిలో ఏమైనా లైంగిక సమస్యలు ఉంటే దూరం చేస్తుంది.
గమనిక: ఈ వివరాలు మీ అవగాహన కోసం మాత్రమే. పలు సందర్భాల్లో ఆహార నిపుణులు, వైద్యులు అందించిన వివరాలనే ఇక్కడ ఇచ్చాం. మీ ఆరోగ్యం విషయంలో ఎటువంటి సమస్య ఉన్నా, సలహాలకైనా వైద్యులను, ఆహార నిపుణులను సంప్రదించడమే ఉత్తమం. మీ ఆరోగ్యానికి సంబంధించి ‘తెలుగు రాజ్యం’ ఎటువంటి బాధ్యత వహించదు. గమనించగలరు.