అటు రాజకీయాల్లోనూ, ఇటు సినీ రంగంలోనూ పవన్ కళ్యాణ్ ప్రస్థావన లేకుండా పని జరగడం లేదిప్పుడు. ‘మా’ ఎన్నికల నేపథ్యంలో మంచు విష్ణు వెర్సస్ ప్రకాష్ రాజ్ ఓ యుద్ధం జరుగుతోంది. ఓ న్యూస్ ఛానెల్ ప్రకాష్ రాజ్తో లైవ్ కార్యక్రమాన్ని నిర్వహించింది. ఈ సందర్భంగా ప్రకాష్ రాజ్ ఆసక్తికరమైన వ్యాఖ్యలు చేశారు. అందర్నీ ఆలోచనల్లో పడేశారు.
వెయ్యి మంది సభ్యులన్న ‘మా’ ఎన్నికల్లోకి రాజకీయాలు దూరడం మంచిది కాదన్నాడు. క్రమశిక్షణ ఒక్క కుటుంబానికే పరిమితం కాదన్నాడు. సినీ పరిశ్రమలో చాలా మంది క్రమశిక్షణతోనే ఉంటారంటూ, మంచు కుటుంబానికి నేరుగా అర్ధమయ్యేలా చెప్పాడు. అనవసరమైన విషయాలు మాట్లాడి ఓ అసోసియేషన్ ఎన్నికల్ని రాజకీయ ఎన్నికలుగా మార్చొద్దని సీనియర్ నటుడు నరేష్కి సలహా ఇచ్చాడు.
మంచు విష్ణు పవన్ కళ్యాణ్ మీద చేసిన వ్యాఖ్యలపై ప్రకాష్ రాజ్ మండి పడ్డాడు. పవన్ కళ్యాణ్ అనే వ్యక్తి సినీ పరిశ్రమలో ఒక భాగం అని చెప్పాడు. పవన్ కళ్యాణ్తో తనకు రాజకీయ విబేధాలున్నాయనీ, అయినప్పటికీ సినిమా, రాజకీయం వేర్వేరు అని ప్రకాష్ రాజ్ చెప్పుకొచ్చాడు.
అయితే, ‘పవన్ కళ్యాణ్ సినిమా మార్నింగ్ షో కలెక్షన్ అంత కూడా ఉండదు నీ సినిమా బడ్జెట్.. ఇది తెలుసుకో..’ అంటూ మంచు విష్ణుపై ప్రకాష్ రాజ్ ఫైర్ అయ్యాడు. అసోసియేషన్ సభ్యులకు ఏం చేస్తామో చెబుదాం.. ఎవరు చేయగలరో సభ్యులే డిసైడ్ చేసి గెలిపించడమో, ఓడించడమో చేస్తారని ప్రకాష్ రాజ్ చెప్పారు.