RGV: లోకేష్ ను పప్పు గాడు అనే మాట అస్సలు అనలేదు… జగన్ అంటే చాలా అభిమానం: వర్మ

RGV: రాంగోపాల్ వర్మ అరెస్టు సిరీస్ ప్రస్తుతం ఇటు ఇండస్ట్రీలోనూ అలాగే ఏపీ రాష్ట్ర రాజకీయాలలో కూడా సంచలనగా మారింది. గతంలో ఈయన కూటమినేతలైనటువంటి చంద్రబాబు పవన్ లోకేష్ గురించి చేసిన పోస్టల్ వల్ల ఇప్పుడు కేసులను ఎదుర్కొంటూ ఉన్నారు ఈ క్రమంలోనే ఈయనపై కేసు నమోదు కావడంతో పరారీలో ఉన్నారని అరెస్ట్ భయం వర్మలో ఉంది అంటూ ఎన్నో రకాల వార్తలు హల్చల్ చేశాయి.

ఇలా తన గురించి ఇలాంటి వార్తలు వస్తున్నా నేపథ్యంలో వర్మ సోషల్ మీడియా వేదికగా రోజుకు ఒక వీడియోను విడుదల చేస్తూ సంచలనంగా మారారు. ముందు నేను ఎక్కడికి పారిపోలేదు ఈ విషయం ప్రతి ఒక్కరు గుర్తు పెట్టుకోవాలి. ఇక నాకూ మీడియా నుంచి వరుసగా ఫోన్ కాల్స్ వస్తున్న నేపథ్యంలోనే నా ఫోన్ ఆఫ్ చేసి పెట్టానని వర్మ క్లారిటీ ఇచ్చారు. అంతేకాకుండా తనపై కేసు నమోదు కావడం గురించి పోలీసులకు కొన్ని ప్రశ్నలు వేశారు.

నేను గత సంవత్సరం క్రితం చేసిన ట్వీట్లకు ఇప్పుడు కొంతమంది మనోభావాలు దెబ్బతిన్నాయని నాపై కేసులు పెట్టారు ఇలా సోషల్ మీడియాలో వేధించిన వారిపట్ల కేసులు పెట్టుకుంటూ పోతే సగానికి సగం మంది జైల్లోనే ఉంటారని ఈయన తెలిపారు. ఇక నేను జైలుకు వెళ్లిన బాధపడేది ఏమీ లేదు జైల్లో కూర్చొని కథలు రాసుకుంటాను. చంద్రబాబు నాయుడు జగన్ రేవంత్ వంటి వారి జైలుకు పోయేసొచ్చారు నేనంత అంటూ కూడా మాట్లాడారు.

ఇలాంటి తరుణంలోని వర్మకు సంబంధించి ఒక వీడియో కూడా ప్రస్తుతం సోషల్ మీడియాలో వైరల్ అవుతుంది. ఇక ఈ వీడియోలో భాగంగా రిపోర్టర్ వర్మను ప్రశ్నిస్తూ నారా లోకేష్ ని పట్టుకొని పప్పు గాడు అంటూ వ్యాక్యానించారని ప్రశ్నించారు. ఈ వ్యాఖ్యలకు వర్మ సమాధానం చెబుతూ పలు విషయాలు వెల్లడించారు.

నేను నారా లోకేష్ ను ఎప్పుడూ కూడా పప్పు గాడు అని పిలవలేదు ఆయనని మాత్రమే కాదు ఎవరిని కూడా అలాగ నేను పిలవను తనని పప్పు అంటూ నా సినిమాలలో సంబోధించానే తప్ప బయట ఎక్కడా కూడా నేను పప్పు గాడు అనే మాట మాట్లాడలేదని తెలిపారు. ఇక నాకు చంద్రబాబు నాయుడు అంటే మొదటి నుంచి కూడా ఒక ఒపీనియన్ ఉంది. ఆయనపై నాకున్నటువంటి ఒపీనియన్ ఎప్పటికీ మారదని తనపై నాకు ఎలాంటి సదాభిప్రాయం లేదని తెలిపారు. ఇక జగన్మోహన్ రెడ్డికి నేను అభిమాని ఆయన ఎలాంటి పరిస్థితులలో ఉన్న కూడా నేను తనకు అభిమాని అంటూ వర్మ చేసిన కామెంట్స్ వైరల్ అవుతున్నాయి.