ప్రధాని నరేంద్ర మోడీ తో జగన్మోహన్ రెడ్డి సమావేశం
ఆంధ్ర ప్రదేశ్ ముఖ్యమంత్రి వై ఎస్ జగన్ మోహన్ రెడ్డి ఈరోజు పార్లమెంట్ లో ప్రధాని నరేంద్ర మోడీని అయన కార్యాలయంలో కలుసుకున్నారు . ఒక ప్రక్క పార్లమెంట్లో కాశ్మీర్ సమస్యపై హాట్ హాట్ డిస్కషన్ జరుగుతున్నప్పుడే ఈ సమావేశం జరగడం అరుదైన విషయం . జగన్ మోహన్ రెడ్డితో మోడీ ముప్పావు గంట సేపు సమావేశమయ్యారు . ఆంధ్ర ప్రదేశ్ రాష్ట్ర ప్రత్యేక హోదా ,నిధులు గురించి ప్రధానితో చర్చించారు . తక్షణమే వీటి మీద దృష్టిపెట్టాలని విభజన హామీలు నెరవేర్చాలని జగన్ కోరాడు .
జగన్ మోహన్ రెడ్డి మాటలను విన్న ప్రధాని తప్పుకుండా సహాయం చేస్తానని హామీ ఇచ్చారు . ఈ సందర్భంగా జగన్ మోడీని సత్కరించారు . జగన్ వెంట విజయసాయి రెడ్డి , అధికారులు వున్నారు . జగన్ తో సమావేశం అనంతరం ప్రధాని నేరుగా పార్లమెంట్ లోకి వెళ్లిపోయారు .