Health Benifits: ఆపిల్ సైడర్ వెనిగర్ వంటకాల తయారీలో ఎక్కువగా వినియోగిస్తారు. ఇది ఒక ఆరోగ్యకరమైన టానిక్ అని కూడా చెప్పవచ్చు. యాపిల్ సైడర్ వెనిగర్ ఆహార పదార్థాల తయారీలో వినియోగించటం వల్ల ఆహార పదార్థాలు రుచికరంగా ఉండటమే కాకుండా అనేక ఆరోగ్య ప్రయోజనాలు కూడా కలుగజేస్తాయి. ముఖ్యంగా వేసవి కాలంలో ఆపిల్ సైడర్ వెనిగర్ తీసుకోవడం వల్ల అనేక ఆరోగ్య ప్రయోజనాలు ఉన్నాయి. ఇప్పుడు మనం వాటి గురించి తెలుసుకుందాం.
వేసవి కాలంలో మనం తీసుకునే ఆహార పదార్థాలతో పాటు ఆపిల్ సైడర్ వెనిగర్ తీసుకోవడం వల్ల శరీరంలో ఉన్న అధిక ఉష్ణోగ్రతను తగ్గిస్తుంది. వేసవి కాలంలో అధిక ఉష్ణోగ్రత వల్ల వచ్చే విరేచనాలు, వాంతులు, ఒత్తిడి వంటి ఆరోగ్య సమస్యలు తగ్గించడంలో ఎంతో ఉపయోగపడుతుంది. ఈ ఆపిల్ సైడర్ వెనిగర్ ఆరోగ్యానికి మాత్రమే కాకుండా అందానికి కూడా బాగా ఉపయోగపడుతుంది.
వేసవి కాలంలో అధిక ఉష్ణోగ్రత నుండి ఆరోగ్యాన్ని కాపాడుకోవడానికి ప్రతిరోజూ ఒక టేబుల్ స్పూన్ ఆపిల్ సైడర్ వెనిగర్ ఒక గ్లాసు నీటిలో కలుపుకొని తాగాలి. ఇలా ప్రతిరోజూ ఉదయం సాయంత్రం తాగటం వల్ల అధిక ఉష్ణోగ్రత నుండి శరీరాన్ని కాపాడటమే కాకుండా అనేక ఆరోగ్య సమస్యలు కూడా తలెత్తకుండా ఉంటాయి.
నోటి దుర్వాసన సమస్య తో బాధపడే వారు ఉదయం లేవగానే ఒక గ్లాసు గోరువెచ్చని నీటిలో రెండు టేబుల్ స్పూన్ల ఆపిల్ సైడర్ వెనిగర్ కలిపి పుక్కిలించాలి. ఇలా చేయటం వల్ల నోటిలో ఉన్న క్రిములు తొలగిపోయి నోటి దుర్వాసన సమస్య తగ్గటమే కాకుండా నోటి ఆరోగ్యం కూడా మెరుగుపడుతుంది.
ఒక గ్లాసు గోరువెచ్చని నీటిలో ఒక టేబుల్ స్పూన్ ఆపిల్ సైడర్ వెనిగర్ కలిపి ప్రతి రోజూ తాగటం వల్ల శరీరంలో షుగర్ లెవెల్స్ అదుపులో ఉండి సంబంధిత సమస్యలు తలెత్తకుండా ఉంటాయి. అంతేకాకుండా జీర్ణక్రియను మెరుగుపరిచి జీర్ణ సంబంధిత వ్యాధులు రాకుండా కాపాడుతుంది.