Paapam Pratap Movie: టాలీవుడ్ వెర్సటైల్ యాక్టర్ తిరువీర్ హీరోగా, ఎస్.పి. దుర్గ నరేష్ దర్శకత్వంలో రూపొందిన ఫ్యామిలీ ఎంటర్టైనర్ ‘పాపం ప్రతాప్’. కృషి ఎంటర్టైన్మెంట్స్ బ్యానర్పై రాకేశ్ రెడ్డి గడ్డం, రుద్రదేవ్ మదిరెడ్డి సంయుక్తంగా నిర్మించారు. వరుస బ్లాక్ బస్టర్స్తో ఆడియన్స్ను అలరిస్తున్న ఈటీవి విన్ ఒరిజినల్ ప్రొడక్షన్ నుంచి రాబోతున్న ఈ సినిమా నుంచి రీసెంట్గా రిలీజైన టీజర్,సాంగ్స్ కు మంచి అప్లాజ్ వస్తోంది. ఏప్రిల్ 17న ఈ చిత్రం ప్రపంచవ్యాప్తంగా గ్రాండ్గా విడుదల కానుంది. ఈ నేపధ్యంలో మేకర్స్ ట్రైలర్ లాంచ్ చేశారు. హీరో అల్లరి నరేష్, డైరెక్టర్ హరీష్ శంకర్ ముఖ్య అతిధిలుగా హాజరైన ఈ వేడుకు గ్రాండ్ గా జరిగింది.
ట్రైలర్ లాంచ్ ఈవెంట్లో హీరో అల్లరి నరేష్ మాట్లాడుతూ.. అందరికీ నమస్కారం. ఈ వేడుకకు విచ్చేసిన అందరికీ థ్యాంక్యూ. దేవి ప్రసాద్ గారు, అలాగే దశరథ్ గారిని యాక్టర్స్గా చూడడం చాలా ఆనందంగా ఉంది. ‘పాపం ప్రతాప్’ను ఏప్రిల్ 17న తప్పకుండా చూస్తాను. రాధాకృష్ణ గారు తెలుగుపై మంచి పట్టు ఉన్న మ్యూజిక్ డైరెక్టర్. ఆయన ఈ సినిమాతో మళ్లీ రావడం చాలా ఆనందంగా ఉంది. ఆయన ఇంకా మరిన్ని సినిమాలు చేయాలని కోరుకుంటున్నాను. ఈ వేడుకకు నేను రావడానికి కారణం తిరువీర్. నాకంటే నా వైఫ్ ఆయనకు ఫ్యాన్. మేము ఇంట్లో ఎప్పుడూ “సమోసా తింటావా శిరీష” అని సరదాగా మాట్లాడుకుంటాం (నవ్వుతూ). ‘ప్రీ వెడ్డింగ్ షో’ సినిమాకి ఆయన చాలా హార్డ్ వర్క్ చేశారు. అది చాలా మంచి సినిమా. ఆయనకు ఇండస్ట్రీలో ఎప్పుడూ నా సపోర్ట్ ఉంటుంది. తిరువీర్ నాకు బ్రదర్లాంటివారు.ఈటీవీ విన్ సాయి నితిన్ గారు కంటెంట్ తీసుకొస్తే అది చాలా బాగుంటుందని నమ్మకం. ‘లిటిల్ హార్ట్స్’, ‘రాజు వెడ్స్ రాంబాయి’ ఇలా వరుసగా చిన్న సినిమాలు చేస్తూ సక్సెస్ కొడుతున్నారు. ‘పాపం ప్రతాప్’ కూడా పెద్ద సక్సెస్ అయి ఆ విజయాన్ని కొనసాగించాలి. కామెడీ సినిమాలు తగ్గుతున్నాయి. ఈ సినిమా గురించి అందరూ మాట్లాడుతున్నప్పుడు మా నాన్నగారి పేరును ప్రస్తావించారు. అది నాకు చాలా ఆనందంగా ఉంది. తప్పకుండా కామెడీ ఎంటర్టైనర్స్ ఇంకా రావాలని మనస్పూర్తిగా కోరుకుంటున్నాను. టీమ్ అందరికీ ఆల్ ది వెరీ బెస్ట్.
డైరెక్టర్ హరీష్ శంకర్ మాట్లాడుతూ..అందరికీ నమస్కారం. ఈనాడు సంస్థ ప్రతి కుటుంబంలో భాగం. చిన్నప్పుడు ‘విపుల’, ‘చతుర’ పత్రికలు చదివేవాడిని. ఇప్పుడు ఈటీవీ విన్ సినిమాలు చూస్తుంటే వాటికి ఒక దృశ్యరూపం ఇచ్చినట్టుగా అనిపిస్తుంది. యావత్తు సినిమా ఇండస్ట్రీ ఆశ్చర్యపోయే విధంగా బ్లాక్బస్టర్ విజయాలు అందిస్తున్నారు. ఈటీవీ విన్కు హ్యాట్సాఫ్. రాధాకృష్ణ గారి పాటలు నా జీవితంలో భాగం. ఆయన ఈ సినిమాలో కూడా అద్భుతమైన పాటలు అందిస్తున్నారని తెలిసింది. ఆయన ఈ సినిమాతో మరింత బిజీ అవ్వాలని కోరుకుంటున్నాను. ట్రైలర్ చూస్తుంటే తిరువీర్ కంటే ప్రతాప్ క్యారెక్టర్ ఎక్కువగా కనిపించింది. డైరెక్టర్ నరేష్కు తెలుగు, కథపై మంచి పట్టు ఉందని ఈ ట్రైలర్ ద్వారా అర్థమవుతోంది. చాలా అద్భుతంగా తీశారు. నరేష్ గారికి సినిమా అంటే ప్యాషన్. ఇవివి సత్యనారాయణ గారు నాకు పెద్ద ఇన్స్పిరేషన్. ఆయన సినిమాలు చూడకపోతే నేను ఇండస్ట్రీకి వచ్చేవాడిని కాదు. నరేష్ గారిని ఎప్పుడైనా కలిసినా ఆయన నాన్నగారు గుర్తొస్తారు. ఈ సినిమాలో ఎంటర్టైన్మెంట్ పుష్కలంగా ఉందని నమ్ముతున్నాను. ‘పాపం ప్రతాప్’ జనాలను థియేటర్లకు రప్పిస్తుందని ఆశిస్తున్నాను. ఈ సినిమా టికెట్ ₹100 లోపే ఉంది. ఈ బంపర్ ఆఫర్ మళ్లీ దొరకదు. అందరూ ఏప్రిల్ 17న థియేటర్లలో సినిమా చూడాలని కోరుతున్నాను.
హీరో తిరువీర్ మాట్లాడుతూ.. అందరికీ నమస్కారం. అల్లరి నరేష్ గారికి, హరీష్ శంకర్ గారికి, దశరథ్ గారికి థ్యాంక్యూ సో మచ్. ‘ప్రీ వెడ్డింగ్ షో’ సినిమాకి మీడియా ఇచ్చిన సపోర్ట్ నేను ఎప్పటికీ మర్చిపోను. అజయ్ ఘోష్ గారు ఈ సినిమాలో మా తండ్రి పాత్రని చాలా సహజంగా చేశారు. ‘పాపం ప్రతాప్’ సినిమా ఇవివి సత్యనారాయణ గారి సినిమాలా అనిపిస్తుంది. “మగాడు అంటే ఏడవకూడదు, బాధపడకూడదు” అంటారు. కానీ మగాడు కూడా మనిషే.. ఆ భావాన్ని ఈ సినిమాలో గొప్పగా చూపించారు. క్లైమాక్స్ అద్భుతంగా ఉంటుంది. ఏప్రిల్ 17న మీ దగ్గరలోని థియేటర్లకు వస్తాను. ‘పాపం ప్రతాప్’.. ‘వీర ప్రతాప్’అనిపించుకుంటాను. థ్యాంక్యూ.
బివిఎస్ రవి మాట్లాడుతూ..అందరికీ నమస్కారం. నరేష్ గారు ఏ ఫంక్షన్కు వచ్చినా మంచి శకునం. ఈరోజు తిరువీర్ ఫంక్షన్కు రావడం తిరువీర్ కి మంచి శకునం. తిరువీర్ ని చూస్తే ‘పాపం’ అనిపిస్తుంది. ఆయన చాలా కష్టపడ్డాడు. ఈ సినిమాతో ఆయనకు మంచి సక్సెస్ వస్తుంది. ఈటీవీ విన్ వారు మంచి కంటెంట్తో సినిమాలను పెద్ద సక్సెస్ చేస్తున్నారు. ‘లిటిల్ హార్ట్స్’, ‘రాజు వెడ్స్ రాంబాయి’ లాంటి సినిమాల తర్వాత ఇది కూడా మంచి విజయాన్ని సాధిస్తుంది. డైరెక్టర్ నరేష్ కూడా మంచి సక్సెస్ కొడతారు. అందరూ ఏప్రిల్ 17న థియేటర్లలో సినిమా చూడాలనికోరుతున్నాను.
దశరథ్ మాట్లాడుతూ.. డైరెక్టర్ నరేష్ ఈ సినిమా కోసం చాలా కష్టపడ్డాడు. రిలీజ్కు ముందే నిర్మాతలు బ్లాక్బస్టర్ నమ్మకంతో ఉండడం చాలా అరుదు. నరేష్ ఈ సినిమాతో అది సాధించాడు. తప్పకుండా అతని కష్టానికి తగిన ఫలితం వస్తుంది. రాధాకృష్ణ గారు రెండు అద్భుతమైన పాటలు ఇచ్చారు. తిరువీర్ మంచి నటుడు. సమయానికి సినిమా పూర్తి చేశారు. అందరూ ఈ సినిమాను ప్రోత్సహించాలని కోరుకుంటున్నాను. ‘పాపం ప్రతాప్’ టీంకి ఆల్ ది వెరీ బెస్ట్.
సాయిలు కంపాటి మాట్లాడుతూ.. ‘పాపం’ అనే పదం తిరువీర్కు బాగా సరిపోతుంది. ఆయనను చూస్తేనే ‘పాపం’ అనిపిస్తుంది (నవ్వుతూ). ఈ సినిమా ఖచ్చితంగా మంచి విజయం సాధించాలని కోరుకుంటున్నాను. అందరికీ థ్యాంక్యూ.
ఈటీవీ కంటెంట్ హెడ్ నితిన్ చక్రవర్తి మాట్లాడుతూ..‘పాపం ప్రతాప్’ థియేటర్ ఎక్స్పీరియన్స్ కోసం తీసిన సినిమా. సకుటుంబ సమేతంగా చూడదగ్గ సినిమా ఇది. ఇవివి సత్యనారాయణ, జంధ్యాల, ఎస్వీ కృష్ణారెడ్డి, శ్రీను వైట్ల గారి సినిమాలను గుర్తుకు తెస్తుంది. ఏప్రిల్ 17న థియేటర్లకు వస్తుంది. మమ్మల్ని నమ్మి ఒకసారి థియేటర్కు రండి. తర్వాత మీరే మీ కుటుంబాన్ని తీసుకువస్తారు. ఈ సినిమా చాలా జెన్యూన్గా తీశాం. మీ అందరి సపోర్ట్ కోరుకుంటున్నాం.
ఈటీవీ బిజినెస్ హెడ్ సాయి కృష్ణ మాట్లాడుతూ.. నరేష్ గారికి, హరీష్ శంకర్ గారికి, బివిఎస్ రవి గారికి ధన్యవాదాలు. ‘పాపం ప్రతాప్’ ఏప్రిల్ 17న విడుదలవుతుంది. టికెట్ ధర ₹99 మాత్రమే. అందరూ థియేటర్లలో సినిమా చూడండి. పీపుల్ మీడియా ఫ్యాక్టరీ విశ్వప్రసాద్ గారు, మైత్రి మూవీ మేకర్స్ ఈ సినిమాను డిస్ట్రిబ్యూట్ చేస్తున్నారు. వారికి కృతజ్ఞతలు.
డైరెక్టర్ దుర్గా నరేష్ మాట్లాడుతూ.. ఈటీవీ విన్కు జీవితాంతం రుణపడి ఉంటాను. మా నిర్మాతలకు, నరేష్ గారికి, హరీష్ శంకర్ గారికి ధన్యవాదాలు. బయట చెప్పుకోలేక లోపల బాధపడుతున్న ప్రతి మగాడికి ఈ సినిమా ఒక కేర్ ఆఫ్ అడ్రెస్ అవుతుంది. బాండ్ పేపర్ మీద రాసి పెట్టుకోండి — ఈ సినిమా మామూలుగా ఉండదు. ‘పాపం ప్రతాప్’ నాకు మరిన్ని అవకాశాలు తెస్తుందని నమ్ముతున్నాను.
ప్రొడ్యూసర్ రాకేష్ మాట్లాడుతూ.. సినిమా చూశాం. అదిరిపోయింది. చాలా కాన్ఫిడెంట్గా ఉన్నాం. ఈ సినిమాతో గట్టిగా హిట్ కొడుతున్నాం. మీరు పెట్టిన డబ్బులకు రెట్టింపు వినోదం ఉంటుంది. అందరూ థియేటర్లలో సినిమా చూడాలని కోరుకుంటున్నాను.
అజయ్ ఘోష్ మాట్లాడుతూ.. ‘పాపం ప్రతాప్’ కుటుంబం మొత్తం కలిసి చూడదగ్గ సినిమా. మీరు పెట్టిన డబ్బులకు రెట్టింపు వినోదం ఉంటుంది. తిరువీర్ను చూస్తుంటే విజయ్ సేతుపతి గుర్తుకొస్తారు. చాలా అద్భుతంగా నటించారు. ఏప్రిల్ 17న సినిమా థియేటర్లలోకి వస్తుంది. చూసి ఆదరించాలని కోరుకుంటున్నాను. ఈ ఈవెంట్ లో మూవీ యూనిట్ అంతా పాల్గొన్నారు.
తారాగణం: తిరువీర్, పాయల్ రాధాకృష్ణ, రాశి, అజయ్ ఘోష్, శ్రీనివాస్ అవసరాల, రఘు బాబు, గోపరాజు రమణ, దేవి ప్రసాద్, రవి ఆంథోనీ, ప్రసాద్ బెహరా, అనంత బాబు, బాషా తదితరులు.
సాంకేతిక బృందం:
రచన & దర్శకత్వం: ఎస్.పి. దుర్గ నరేష్
నిర్మాతలు: గడ్డం రాకేష్ రెడ్డి, రుద్రదేవ్ మధి రెడ్డి
నిర్మాణ సంస్థలు: ఈటీవీ విన్, కృషి ఎంటర్టైన్మెంట్స్
సంగీత దర్శకుడు: కె.ఎం. రాధాకృష్ణ
నేపథ్య సంగీతం: సురేష్ బొబ్బిలి
సినిమాటోగ్రఫీ: విశ్వేశ్వర్ ఎస్.వి
ఎడిటర్: అన్వర్ అలీ
సాహిత్యం: సుద్దాల అశోక్ తేజ, అనంత శ్రీరామ్, రహమాన్
ప్రొడక్షన్ డిజైనర్: అరవింద్ ములే
కాస్ట్యూమ్ డిజైనర్స్: ప్రియాంక విన్నకోట, ఆర్తి వీరబోయిన
సౌండ్ డిజైన్: వందన, వరుణ్
కొరియోగ్రాఫర్: ఈశ్వర్ పెంటి
పీఆర్ఓ: వంశీ-శేఖర్
