నటీనటులు: తిరువీర్, పాయల్ రాధాకృష్ణ, అజయ్ ఘోష్ తదితరులు
దర్శకత్వం: ఎస్.పి. దుర్గా నగేష్
నిర్మాత: మిత్రవింద మూవీస్
సంగీతం: కె.ఎమ్. రాధాకృష్ణన్
విడుదల తేదీ: ఏప్రిల్ 17, 2026
Paapam Pratap Movie Review: ది గ్రేట్ ప్రీ వెడ్డింగ్ షో’ బ్లాక్ బస్టర్ విజయాన్ని అందుకున్న యంగ్ హీరో తిరువీర్ ప్రస్తుతం పలు ఎక్సయిటింగ్ ప్రాజెక్ట్స్ చేస్తున్నారు. తిరువీర్ హీరోగా S.P.దుర్గా నరేష్ దర్శకత్వంలో రూపొందిన చిత్రం ‘పాపం ప్రతాప్’.
కథా సారాంశం: ప్రతాప్ (Thiruveer) ఆర్థికంగా నిలకడ ఉన్న యువకుడు. తన తండ్రి (Ajay Ghosh) ఇష్టానికి విరుద్ధంగా తను ప్రేమించిన బుజ్జమ్మ (Payal Radhakrishna)ను పెళ్లి చేసుకుంటాడు. వీరి సంసారం సాఫీగా సాగుతున్న సమయంలో, ప్రతాప్కు నిద్రలో ఒక వింత ఆరోగ్య సమస్య ఉందని బుజ్జమ్మకు తెలుస్తుంది. ఆ కారణంతో ఆమె అతడిని వదిలి వెళ్ళిపోతుంది. అసలు ఆ సమస్య ఏమిటి? ఆ జంట మళ్ళీ ఎలా కలిశారు? అనేదే ఈ చిత్ర కథ.
విశ్లేషణ: నటుడిగా తిరువీర్ మరోసారి తన ముద్ర వేశారు. ప్రతాప్ పాత్రలో ఉన్న అమాయకత్వాన్ని, బాడీ లాంగ్వేజ్ను ఫస్టాఫ్లో చాలా చక్కగా పండించారు. ఇక తండ్రి పాత్రలో అజయ్ ఘోష్ నటన సినిమాకు హైలైట్గా నిలిచింది. కొడుకుపై ఆయన చూపించే విసుగు, ఫ్రస్ట్రేషన్ థియేటర్లలో నవ్వులు పూయిస్తాయి. హీరోయిన్ పాయల్ రాధాకృష్ణ తన పరిధి మేరకు ఆకట్టుకుంది.
సాంకేతిక విభాగం: దర్శకుడు ఎస్.పి. దుర్గా నగేష్ ఎంచుకున్న పాయింట్ బాగున్నప్పటికీ, కథనంలో డెప్త్ తగ్గింది. కె.ఎమ్. రాధాకృష్ణన్ సంగీతం, విశ్వేశ్వర్ ఛాయాగ్రహణం సినిమాకు ఒక ప్లెజెంట్ లుక్ను ఇచ్చాయి. నిర్మాణ విలువలు సినిమా స్థాయికి తగ్గట్టుగా రిచ్గా ఉన్నాయి.
మైనస్ పాయింట్స్: సినిమాలో మెయిన్ పాయింట్ రివీల్ అయిన తర్వాత వచ్చే సీన్స్ అంత కన్విన్సింగ్గా లేవు. సెకండాఫ్లో ఎమోషన్స్ పండించడంలో దర్శకుడు తడబడ్డారు. హీరోయిన్ పాత్ర ప్రవర్తనలో లాజిక్ లోపించడం, కొన్ని సీన్లు సాగదీసినట్లు అనిపించడం సినిమాకు బలహీనతలు.
చివరి మాట: ‘పాపం ప్రతాప్’ ఒక సింపుల్ విలేజ్ డ్రామా. తిరువీర్, అజయ్ ఘోష్ల నటన కోసం, అక్కడక్కడా పండే కామెడీ కోసం ఈ వీకెండ్లో ఒకసారి సరదాగా చూడొచ్చు.
రేటింగ్: 2.25 / 5
