మాస్టర్.. కోలీవుడ్ స్టార్ హీరో నటించిన పాన్ ఇండియన్ సినిమా. స్టార్ డైరెక్టర్ లోకేష్ కనగ రాజన్ దర్శకత్వంలో తెరకెక్కిన ఈ సినిమా విజయ్ కెరీర్ లో ఫస్ట్ పాన్ ఇండియన్ సినిమాగా ప్రేక్షకుల ముదుకు వచ్చి బ్లాక్ బస్టర్ హిట్ అన్న టాక్ ని తెచ్చుకొని సక్సస్ ఫుల్ గా రన్ అవుతోంది. వరసగా సక్సస్ లతో కోలీవుడ్ ఇండస్ట్రీలో క్రేజీ స్టార్ గా మారిన విజయ్ .. తాజా చిత్రం మాస్టర్ తో కోలీవుడ్ ఫస్ట్ పాన్ ఇండియన్ హీరోగా మారిపోయాడు. అయితే ఈ సినిమా రిలీజ్ ముందు కొన్ని కీలక సన్నివేశాలు లీకై చిత్ర యూనిట్ ని ఇబ్బంది పెట్టాయి.
ఇక సినిమా కూడా పాన్ ఇండియన్ స్థాయి లో రూపొందించిన సినిమా .. రిలీజ్ కి ముందే సీన్స్ లీకైతే నిర్మాత ఎలాంటి టెన్షన్ కి గురౌవుతాడో ఇంతకుముందు పవన్ కళ్యాణ్ నటించిన అత్తారింటికి దారేది సినిమా అనుభవం తెలిసిందే. అప్పట్లో ఈ సినిమాని భారీ బడ్జెట్ తో నిర్మించిన నిర్మాత బి.వి.ఎస్.ఎన్ ప్రసాద్ గుండె నొప్పితో ఆస్పత్రిలో చేరారు. ఇలాంటి అనుభవాలే ఆ తర్వాత కూడా రిపీటయ్యాయి. కాగా ఇప్పుడు అదే అనుభవం మాస్టర్ నిర్మాతలకు ఎదురైంది.
మాస్టర్ సినిమా సంక్రాంతి బరిలో రిలీజవుతున్న సమయంలో వీడియో క్లిప్పింగ్స్ ద్వారా కొన్ని కీలక సీన్స్ లీకయ్యాయి. దాంతో నిర్మాత లు విపరీతమైన టెన్షన్ కి గురయ్యారు. ఇలాంటి లీక్ ల వల్ల నిర్మాతల ప్రాణాలకే ముప్పు వాటిల్లుతుంది. కీలకమైన ఫుటేజీని చట్టవిరుద్ధంగా లీక్ చేయడం ద్వారా నష్టం కలుగుతుందన్న భయం, బెంగ ఎవరికీ ఉండదు. మాస్టర్ లీక్స్ కి ఇలాంటి వాళ్లే కారణం. మాస్టర్ సినిమా ఓవర్సీస్ రిలీజ్ ల కోసం డిజిటల్ ప్రింటస్ ను విదేశాలకు పంపినందుకు మేకర్స్ ఒక ప్రైవేట్ డిజిటల్ కంపెనీకి ఫుటేజ్ అందించారు.
ఆ సంస్థకు చెందిన ఒక ఉద్యోగి ఈ చిత్రం థియేటర్లలోకి రాకముందే మాస్టర్ నుండి సీన్స్ ను లీక్ చేశాడు. దీంతో నిర్మాతలకు విపరీతంగా టెన్షన్ పడ్డారు. ఎట్టకేలకు లీకులకు కారకుడిపై మాస్టర్ సినిమా నిర్మాతలు కేసు పెట్టాలనుకుంటున్నారట. ఫుటేజీని లీక్ చేసిన ఉద్యోగిపైనా నష్ట పరిహారం కింద రూ 25 కోట్లు దావా వేస్తున్నారట. ఇందుకు సంబంధించి ఇప్పటికే ఆ డిజిటల్ సంస్థకు .. లీకులకు కారకుడైన వ్యక్తికి లీగల్ నోటీసు పంపారట. చూడాలి మరి ఏం జరుగుతుందో.