నిద్ర లేవగానే తలనొప్పి రావడానికి చాలా కారణాలు ఉండవచ్చు. కొన్ని సాధారణ కారణాలు నిద్ర లేకపోవడం, డీహైడ్రేషన్, మైగ్రేన్ కొన్నిసార్లు, స్లీప్ అప్నియా లేదా బ్రక్సిజం వంటి నిద్ర రుగ్మతలు కూడా తలనొప్పికి కారణం కావచ్చు. సరిపడా నిద్ర లేకపోవడం లేదా నిద్రలో అంతరాయం కలగడం తలనొప్పికి కారణం కావచ్చు. రాత్రిపూట తగినంత నీరు త్రాగకపోతే, మీరు డీ హైడ్రేషన్ కు గురై తలనొప్పితో మేల్కొనవచ్చు.
మైగ్రేన్ ఉన్నవారికి, తలనొప్పి ఉదయం సమయంలో తీవ్రంగా ఉండవచ్చు. నిద్రలో పళ్లు కొరుక్కునే అలవాటు ఉన్నవాళ్లకు సైతం తలనొప్పి వచ్చే ఛాన్స్ ఎక్కువగా ఉంటుంది. ఒత్తిడి తలనొప్పికి ఒక సాధారణ కారణం, ముఖ్యంగా మీకు నిద్ర సరిగ్గా లేకపోతే పని విషయంలో ఇబ్బందులు ఎదుర్కొనే ఛాన్స్ అయితే ఉంటుందని చెప్పవచ్చు.
కొన్ని సందర్భాల్లో, తలనొప్పి వాతావరణ మార్పులు లేదా గాలిలో మార్పుల వల్ల కూడా రావచ్చు. రాత్రిపూట తగినంత నీరు త్రాగడం ద్వారా, మీరు డీహైడ్రేషన్ నివారించవచ్చు. నిద్రకు ముందు టీ, కాఫీ, ఆల్కహాల్ త్రాగకుండా ఉండటం, నిద్రపోయే ముందు ప్రశాంతంగా ఉండటం వంటివి చేయాలి. దిండు మారుస్తూ, మీ నిద్రను మరింత ప్రశాంతంగా మార్చడానికి ప్రయత్నించవచ్చు.
యోగా లేదా ధ్యానం ద్వారా ఒత్తిడిని తగ్గించుకోవడం ద్వారా మీరు తలనొప్పిని నివారించవచ్చు. మీరు చాలా తరచుగా తలనొప్పితో మేల్కొంటే, మీ డాక్టర్‌ను సంప్రదించి, మీకు ఏమైనా ఆరోగ్య సమస్యలు ఉన్నాయో లేదో తెలుసుకోవడం మంచిది. నిద్రలేమి తలనొప్పికి కారణమైనట్లే, ఎక్కువ నిద్రపోవడం కూడా తలనొప్పికి కారణమవుతుంది. నిద్ర సమస్యలు ఉన్నవాళ్లు ఈ విషయాలను గుర్తుంచుకోవాలి.