మనలో చాలామంది చిలకడదుంపలు తినడానికి పెద్దగా ఆసక్తి చూపరు. అయితే చిలకడదుంపలు తినడం వల్ల ఎన్నో ఆరోగ్య ప్రయోజనాలను పొందవచ్చు. చిలకడదుంపలు తీసుకోవడం వల్ల ఆరోగ్యానికి లాభమే తప్ప నష్టం లేదని వైధ్య నిపుణులు చెబుతున్నారు. చిలకడదుంపలు పిండి పదార్థాలు, చక్కెరలను కలిగి ఉండటంతో పాటు ఎన్నో అద్భుతమైన పోషకాలను కలిగి ఉంటాయని చెప్పవచ్చు.
చిలకడదుంపలను కాల్చుకుని తింటే అవి మరింత రుచిగా ఉంటాయని చెప్పవచ్చు. శరీరంలో తెల్ల రక్త కణాలు, ఎర్ర రక్త కణాలను అధికం చేయడంలో ఇవి సహాయపడతాయి. విటమిన్ డిని కలిగి ఉన్న చిలకడదుంపలు ఇమ్యూనిటీ పవర్ ను పెంచడంతో పాటు ఎముకల ఆరోగ్యాన్ని పెంచడంలో ఉపయోగపడతాయి. చిలకడదుంపలు గుండె కండరాలు బలంగా ఉండేలా చేస్తాయని చెప్పవచ్చు.
విటమిన్ సిని కలిగి ఉన్న చిలకడదుంపలు జలుబు, ఫ్లూలను తగ్గించడంతో పాటు శరీరంలో రక్త కణాలు, కొల్లాజెన్ ఉత్పత్తిని పెంచడంలో తోడ్పడతాయి. క్యాన్సర్ వ్యాధిని కలుగచేసే కారకాల చర్యలను అడ్డుకునే విషయంలో ఇవి తోడ్పడతాయి. చిలకడదుంప పొటాషియంను పుష్కలంగా కలిగి ఉండటంతో పాటు నరాల సంకేతాలను నియంత్రించడంలో తోడ్పడతాయని చెప్పవచ్చు.
అసిడిటీ, మలబద్ధకం సమస్యలను సులువుగా దూరం చేయడంలో చిలకడదుంపలు ఎంతగానో సహాయపడతాయి. అతినీలలోహిత కిరణాల వల్ల కలిగే సమస్యలకు చెక్ పెట్టడంలో చిలకడదుంపలు ఎంతగానో సహాయపడతాయి. గుండె, రక్తనాళాల సమస్యలను దూరం చేయడంలో ఇవి ఎంతగానో తోడ్పడతాయని చెప్పవచ్చు. చిలకడదుంపలను కనీసం వారానికి ఒకసారి తీసుకోవడం ద్వారా ఎన్నో ఆరోగ్య ప్రయోజనాలను పొందే అవకాశం అయితే ఉంటుంది.