ప్రతి ఒక్కరూ ఇష్టంగా తినే ఆహార పదార్థాలలో అటుకులు కూడా ఒకటి. వీటిని వరి ధాన్యాన్ని నానబెట్టి వాటిని దంచి అటుకులు తయారు చేస్తారు. వీటితో రకరకాల రుచులతో రకరకాల పదార్థాలు చేస్తుంటారు. ఇక వీటిని తినడం వల్ల ఎంతో రుచికరమైన ఆహార పదార్థాలను తినడమే కాకుండా మనకు ఎన్నో ఆరోగ్య ప్రయోజనాలు అందుతాయి మరి అటుకుల తినడం వల్ల కలిగే ఆరోగ్య ప్రయోజనాలు ఏమిటో ఇక్కడ తెలుసుకుందాం….
అటుకులలో ఐరన్ శాతం అధికంగా ఉంటుంది.ఎవరైతే రక్తహీనత సమస్యతో బాధపడుతుంటారు అలాంటి వారు తరచు వారి ఆహార పదార్థాలలో భాగంగా అటుకులు తీసుకోవడం వల్ల రక్తహీనత సమస్య నుంచి బయటపడవచ్చు. ఇక అటుకులలో ఉండే నాలుగు రకాల విటమిన్లు ఇవి మన శరీర ఆరోగ్యానికి ఎంతో సహాయ పడతాయి. తక్షణ శక్తి కావాలనుకునేవారు ఈ అటుకులను నానబెట్టి తీసుకుంటే వారికి ఇది మంచి బూస్టర్ ల పనిచేస్తుంది. అంతే కాకుండా బరువు తగ్గాలనుకునే వారికి కూడా ఈ అటుకులు మంచి చిట్కాలా పనిచేస్తాయి.
అటుకులలో ఎక్కువగా ఉండే పైబర్ ఆహారం త్వరగా జీర్ణం అవ్వడానికి సహాయపడుతుంది. అంతేకాకుండా ఈ ఫైబర్ జీర్ణ సమస్యలను కూడా చాలా వరకు దూరం చేయడమేకాకుండా మలబద్దకాన్ని కూడా తగ్గిస్తుంది. ఇక ఈ అటుకులలో అధికంగా ఉండే యాంటీ ఆక్సిడెంట్లు మన శరీరంలో ఉన్న వైరస్ ని తరిమి కొట్టడంలో సహాయపడుతుంది. అలాగే రోగనిరోధక శక్తిని పెంపొందించడంలో కూడా అటుకులు కీలకపాత్ర పోషిస్తాయి.